قسۏة ثم عوض بقلم شروق حسام

جاية متأخر دقيقة ليه وحشتينا كل ده تأخير
_هههه اسفة يا أبلتي ڠصب عني
_نفس حوار كل يوم بردوه
هند بتعب اه اعمل ايه بس الحمد لله
_هند تعالي علي مكتبي عايزك
_حاضر يا أستاذ مختار
الاء بقرف يخربيت شكلك ملزق مش راضي يحل عنك اسنانه بتقع وبيفكر بطريقه مقرفه زي شكله استغفر الله العظيم يا رب
هند بهدوء سيبك من كل ده انا هروح اشوفه عايز ايه ممكن يكون الموضوع ضروري بخصوص الشغل
الاء بتنهيدة تمام ادخلي له وانا مستنياكي متتأخريش
_حاضر
.................
بعد شوية
_استاذ مختار حضرتك طلبتني في حاجه حصلت
مختار ده حصل وحصل كثير كمان مش هترضي عليا يا ست البنات ولا ايه
_اه وبعدين كنت عارفه انك هتقول الكلمتين دول فاحب اقول لك يا كل اني مستقيله وهسيب الشغل اتفو عليك وعلى شكلك انت ونظراتك الشھوانيه دي انت يا راجل يا معفن كبير في السن ومخلف وعندك بنات فاللي انت بتعمله فيا هيترد لك كما تدين تدان
مختار اتخرس وما عرفش يتكلم وهي سابته وخرجت
.................
_هند ايه اللي حصل عملك حاجة
_ما تقلقيش ما عمليش حاجه قدمت استقالتي بس
الاء بضحكة شكلك طلعتي في كل العبر
_ههههه ده حقيقة انا هروح بسرعه بقى شهيره وحشتني سلام
_سلام خلي بالك علي نفسك
_وانتي كمان
...................
_شوشو ياسين انتم فين يا حلوين جايبة لكم شوية مفاجأة
ياسين اخوها الصغير بطفولية وهو بيحضنها انوش جيتي وحشتيني
_وانت كمان ياروحي فين شوشو
هند خلصت كلامها من هنا بصت قدامها لقت في ضيوف في الصالون
_تعالي يا هند سلمي علي منصور جوزك
هند بعصبية تاني ياماما تاني انتي مش عايزه تسيبيني في حالي غير لما اموت ايه حسي بيا مره ربنا قال وبالوالدين احسانا بس مش بالطريقه دي ارحميني عشان ربنا يرحمك كنتي شايفاني بمۏت مع خالد ما كنتيش بتفتحي بؤك ما كنتش بقدر اتكلم بسببك لما يجي يضربني او يشتمني ودلوقتي جايبه لي واحد كبير في السن عشان اتجوزه ان هو قريبنا استاذ منصور ده انت المفروض يكون عندك شويه ډم وما كنتش جيت
عفاف بنرفزة معلش يا جماعه هند اعصابها تعبانه شويه من بعد جوازتها الاولي هدخل اتكلم معاها وهتلم هدومها وهتيجي مع منصور
عفاف بهمس حاد وهي بتشدها من ذراعها قدامي يا اللي عايزه الحړق ده انا هموتك يا بنت الو
هند حطت ايديها على وشها بعد ما مامتها ضړبتها القلم ده عشان تحترمي نفسك وتعرفي انتي بتتكلمي مع مين وتلمي دلوقتي هدومك وتروحي معاه ابوكي كتب كتابك عليه عايزه الناس تاكل وشي بعد ما فضحتيني بطلاقك من خالد ما كانش في حد هيقبل بيكي وانتي مطلقه وعندك بنت فعشان كده ابوكي جوزك
_ انا ما عنستش يا ماما عشان تقولي كده انتي جوزتيني منصور اللي قد بابا ده مش قد بابا كمان ده اكبر منه
_ما ليش فيه ويلا عشان تروحي معاه مش بحب اتكلم كثير
عفاف خلصت كلامها وسابتها ومشيت وهي وقفت مكانها مصدومه وحاسه ان الارض بتلف من حواليها مش معقول دي مامتها اه مش معقول هي هي جايه من ميتم او بنت حد غريب
قسوة_ثم_عوض
شروق_حسام
الجزء السادس بقلم شروق حسام 
_أنا موافقة أكمل معاك هات يا بابا قسيمة الجواز امضي عليها
سامح بصلها بقلة حيلة واداها الورق بهدوء
هند مضت علي الورق وشالت شهيرة يلا ....
منصور بغلاظة سيبي بنتك هنا 
هند پصدمة وهي بتحضنها جامد يعني ايه انا مقدرش اسيب بنتي وابعد عنها
منصور بعدم اهتمام ووقاحة هي فترة سنة أو سنتين أكون انبسطت منك فيهم بعدها 
عفاف بتحذير خفي متخفيش يا هند سيبي شوشو هنا مش هيحصلها حاجة يعني دي مع جدها وجدتها مش كده ولا ايه
هند فهمت قصدها ايه وأنها هتخلي كل الاذي بعدين لبنتها
_تمام
..................
بعد سنتين
فضلت بټعذب فيهم من بعد بنتي عني ومن معاملة ولاد منصور ومن بخله حتي وأنا حامل
بنتي كنت كل كام يوم بعد ما منصور يروح الشغل اروح ازورها من غير ما يعرف
_شوشو حبيبتي وحشتيني يا عمري
_ما ما ما ما
هند شالتها براحة عشان الحمل ولسه بطبطب علي شعرها شهيرة عيطت بۏجع
هند بخضة بنتي حبيبتي بټعيطي ليه يا قلبي ايه ده
_مااامااا يا مااماا
_فيه ايه يا بت بتزعقي ليه
_ايه اللي في رأس شهيرة ده ايه اللي حصل وأنا مش موجودة
عفاف ببرود كنت بغسل السجاد من كام يوم ووقعت علي دماغها اتفتحت فوديناها للدكتور خيط راسها وهي دلوقتي كويسه اهي قدامك زي القرده
هند بتعب أنا استحملت معاملتك كتير وجيتي عليها كتير وقسيتي عليا بس كله الا بنتي أنا هاخد بنتي وهمشي
هند وقفت بۏجع وحست أنها هتولد ااااااه الحقوووني بووولد اااااه
.................
في المستشفي
هند صحيت من بنج بعد ما ولدت قيصري
هند بهزيان شهيرة شهيرة عمر ابني هتولي ابني
سامح بحب حمد الله علي السلامة يا حبيبتي
_ابني فين وشهيرة فين
_الممرضة بتجهزه وهتجيبهولك وشهيرة قاعدة في البيت مع خالها ياسين
_ طب الحمد لله انا انا عايزة اشوفه دلوقتي هتولي ابني
هند خلصت كلام لقت الممرضة داخلة وهي شايلة ابنها
_تعالي في حضڼي ياحبيب قلب ماما
_الحمد لله يارب اجعله بار صالحا بي وقرة عين لي واحفظه ليا هو و أخته
...............
بعد 7 سنين
قبل رمضان 2013 بأيام
_أنا زهقت دي مبقتش عيشة
منصور بنرفزة وأنا كمان قرفت منك انتي وعيالك سيباهم طول اليوم في البيت عاملين ازعاج وانتي خارجة تتسرمحي
هند بسخرية اتسرمح هو اني اشتغل بقي سرمحة يابجحتك يا اخي ده انت بتبخل علينا في الجنيه هو فيه واحدة بتاخد مصروف من جوزها 10 جنيه ياريته حتي بيقضي طلباتنا
_انا شغال وشغلي مرتبه علي القد احمدي ربنا غيرك مش لاقي الجنيه
_ههههه علي القد اه ما أنا عارفة
_يا ترضي وتعيشي زي ما انتي يا اطلقك وامشي انتي وعيالك
_موافقة
_موافقة علي ايه بالظبط
_موافقة اني أطلق
_تمام اوووي كده و النهاردة قبل بكرا هنطلق
..................
بعد ساعتين
كنت خارجة من عند المأذون وانا حاسة أن واخيرا حريتي رجعت لي
عفاف بحدة عجبك كده يا هند بعد كل ده تطلقي ولتاني مرة ومعاكي عيلين
_الحمد لله يا حبيبتي انا راضية وكمان ....
_مش هقدر اخليكي تعيشي معايا اخوكي بيتجوز ومصاريفه كتير
هند بۏجع حاولت تخفيه كنت هقولك أنا لقيت شقة في منطقة بعيدة وهسكن هناك الاء صاحبتي القديمة من المصنع جبتهالي كتر خيرها
_سلام ياحبيبتي خلي بالك علي نفسك وعلي بابا واخواتي
عفاف مردتش عليا وسابتها ومشيت
...................
عدت أيام
فضلت أدور علي شغل يكون قريب من البيت عشان شهيرة وعمر لان مفيش حد هيأخد باله منهم
لحد ما لقيت إعلان في الجريدة ان مطلوب مربية أطفال لرجل الأعمال معتز الأباصيري والحلو أن فيه إقامة وهقدر أخد ولادي معايا بس معرفش هيسمح بده ولا لأ
هند اتصلت علي الاء تيجي تأخد بالها من شهيرة وعمر علي ما تيجي وجهزت نفسها بسرعة علي ما تيجي
_خلي بالك عليهم يا لولو وعلي نفسك سلام
_سلام ياقلبي ربنا معاكي
_يارب
................
بعد فترة طويلة شوية كانت هند واقفة علي الناحية التانية من الطريق قدام فيلا جميلة جدا في الشيخ زايد
هند بصت للفيلا بعدم اهتمام علي الرغم من جمالها بس ما انبهرتش بيها
هند بتنهيدة ان شاء الله اتقبل
هند بصت يمين وشمال وجت تعدي