الحلقة الاخيرة من رواية قلبي ومفتاحه بقلم روز أمين

بسم الله الرحمن الرحيم
لا إله إلا أنت سبحانك إني كنت من الظالمين 
رواية قلبي ومفتاحه 
بقلمي روز آمين
البارت السادس والثلاثون والأخير 
بعد إسبوع من حفل زفافهما الذي أقيم في سوهاج
سافر أدهم ومها إلي الجونه حيث إحتجز أدهم لهما شاليه فخم علي البحر مباشرتآ خاص بالعرائس حيث الخصوصيه والإنعزال التام يوجد به بول خاص حتي يسبح مع حبيبته بخصوصيه تامه !!!!

كانت بين أحضانه في المسبح تسبح معه بسعاده وهي ترتدي مايوه قطعتين مثلما كانت تحلم 
أدهم وهو ينظر لعيونها السعيده بحب٠٠٠مبسوطه يا مها 
مها بوجه مشع سعاده٠٠٠أوي يا أدهم مبسوطه أوي ونفسي نفضل هنا علي طول
حاسه إني في الجنه وأحلا حاجه العزله اللي إحنا فيها دي حاسه الدنيا فاضيه مش فيها غيري أنا وإنت وبس 
أدهم بحب ٠٠٠وأنا مش عاوز غيرك في حياتي وبجد ياريت لو في إدينا نفضل هنا علي طولبس للأسف الدنيا مش كلها حب ودلع وفسح لازم نرجع نمارس حياتنا من جديد ونشوف شغلنا !!!
نظر لعيونها بعشق وتحدث ٠٠٠لكن أوعدك إن كل فتره نيجي هنا نستجم إسبوع وكمان ناوي كل فتره نسافر ونكسر روتين الحياه علشان دايمآ أشوف الفرحه اللي في عيونك دي يا حبيبي  
إحتضنته بشده وهي تعوم حوله بدلع ٠٠٠أنا هاكون مبسوطه في أي مكان أكون معاك فيه معاك وبس بكون عايشه في الجنه يا أدهم أنا خلاص مابقتش عاوزه غير عيونك دي من كل الدنيا 
وتحدثت بهيام ٠٠٠٠بحبك يا أدهم بحبببببببببك
ضحك أدهم وشدد من ضمته لها ٠٠٠يا مجنونه حد يسمعنا !!!
مها بدلع٠٠٠٠وأيه يعني لما يسمعو جوزي وحبيبي وبعبرله عن حبي ليه طب بحبببببببببببك 
وأكملت بضحك٠٠٠وبعدين حد مين اللي هايسمعنا ده فيه مسافه بين كل شاليه والتاني عشر دقايق مشي وماحدش بييجي هنا غير لما نطلب منهم حاجه بالتليفون يعني ماحدش هايسمع !!!
وأكملت بترجي ٠٠٠دومي هو أنا ممكن أطلب منك طلب !!
تحدث وهو يهز رأسه بنفي٠٠٠٠لا قلب أدهم مايطلبش
ونظر بعشق وتحدث٠٠٠ قلب أدهم يؤمر علي طول وأنا أنفذ
مها بحب وترجي٠٠٠٠ربنا يخليك ليا يا حبيبيأدهمأنا نفسي أوي أروح إسكندريه في الشتا ولو حتي يوم واحد بس !!!
ونظرت له بهيام٠٠٠نفسي أقف معاك علي الكورنيش والجو بيمطر فوقنا برومانسيهوأبص علي البحر وهو بيحضن حبات المطر ويطبطب عليها ويضمها ليه بحنان 
أدهم بحب٠٠٠من عيوني يا نبض قلبي إنتي تؤمري وأنا عليا التنفيذ
وعد مني أول حاجه هنعملها لما الشتا ييجي إن شاء الله هنسافر إسكندريهوهاحجزلك في أحلا أوتيل ونقعد إسبوع كمان مش بس يوم وكل يوم هأخرجك ونلف إسكندريه كلها 
مها بسعاده وعيون مشعه٠٠٠بجد يا حبيبي 
وأحتضنته بشده ٠٠٠ربنا يخليك لياإنت أحلا راجل في الدنيا كلها 
أدهم بهيام٠٠٠٠وإنتي أحلا وأجمل بنوته شافتها عيوني
وفي المساء
كان يجلس علي الشازلون أمام البحر ويجلسها علي ساقيه بدلال ناظرين للبحر وسحره حيث إنعكاس الأنوار الساطعه علي ماء البحر مما أعطت له منظر مبهر وساحر كانت تدندن له ويستمع هو لها بسلطنه وبعد إنتهائها 
تحدث هو٠٠٠تعرفي يا مها إن صوتك حلو أوي عجبني من أول مره سمعتك بتغني فيها وقتها خطفتيني يا بنت الأيه كل حاجه فيكي خطفتني يا مها 
مها بحب ودلال ٠٠٠هو أنا ليه بحبك أوي كده 
أدهم بعيون سعيده٠٠٠يمكن علشان أنا بعشقك 
بعد أربعة أشهر من زفافهما 
كانا مها وأدهم في أجازه يقضونها بسوهاج كانا يجلسان حول سفرة الطعام مع العائله
يتناولون طعام الغداء بسعاده وفرحه من الجميع لجمعهم السعيد !!!
نظر الحاج سليم إلي مها وتحدث بإعجاب ٠٠٠الوكل زين جوي يا بتي تسلم يدك !!!
ردت مها بسعاده٠٠٠بألف هنا علي قلبك يا بابا !!!
ليلي ٠٠٠٠تسلم يدك يا مها تعرفي إن عمك سليم جليل جوي لما يجول رأيه في وكل حد وماهيعجبهوش أي حاجه وخلاص وأدهم طالعله في الحته دي !!!
تحدثت مها بسعاده٠٠٠وده شيئ يسعدني يا ماما إن الأكل حقيقي عجب بابا وبالف هنا علي قلوب الجميع !!!
أدهم وهو ينظر لها بسعاده وفخر٠٠٠إبسطي مين جدك الحاج سليم رضوان بجلاله جدره بيشكر في وكلك يا سعدك يا هناكي !!!
نظرت له وضحكت بفرحه !!!
ليلي بجديه٠٠٠٠ بعد الغدا جهزي حالك يا مها إنتي وحنان هانروح دار عمكم سعيد كماني