حب مشروع
ايه
ايمن سلام عليكم... حمدلله علي السلامه
حبيبه وعليكم السلام... الله يسلمك
ايمن كان مستني منها انها ترمي نفسها عليه او تعاتبه او تكلمه او تقول اي حاجه بس حبيبه ما نطقتش
ايمن نمشي ناقصك حاجه
حبيبه لا يالا
مشي قدامها وهيا وراه امه مسكتها واتسندوا علي بعض
وهما ماشين حبيبه كانت دايخه ومش قادره وكانت ماشيه بالعافيه
حبيبه لا انا بس دايخه شويه من كتر الرقده ما تشغليش بالك بيا
فاطمه واشغل بالي بمين بس هو في اغلي منك
حبيبه ربنا يخليكي ليا يا ست الكل
حبيبه الدنيا بتلف بيها وسندت علي الحيطه
فاطمه ايمن الحقنا
ايمن رجعلهم في ايه
حبيبه مفيش حاجة يالا
ايمن نرجع
حبيبه لا انا دايخه بس شويه وعايزه اروح لو سمحتو ما تكبروش الموضوع لو تعبت اكتر هبقي اجي بس انا كويسه
ايمن ماشي براحتك... يالا انا هساعدك
ايمن حس انها فعلا مش قادره تمشي وبعد تردد للحظات شالها
حبيبه ايمن انا كويسه
هو ما زودش وهيا ما نطقتش بس ايديها حوالين رقبته ودماغها في صدره
اكتر حاجه وحشتها ضمته ليه... احساسها بالامان في حضنه.... ريحته اللي بتعشقها.... كل حاجه فيه وحشتها....
ايمن اتمني لو العربيه تبعد ويوصلها للبيت كده او ما يوصلهاش ابدا وتفضل كده في حضنه!!! لو يقدر ما يخليهاش تغيب عن عينه ابدا!!! لو ينفع يسيب شغله ويسيب الدنيا كلها وياخدها لمكان مفيهوش حد غيرهم هما الاتنين بس... لو ينفع.... وهو بيكره كلمه لو....
حبيبه فهمت انه مش عايزها جنبه وهو سايق
فتح الباب لامه وركبها جنبه وركب هو
كل شويه يبص في المرايه يشوفها بس كانت باصه بره علي طول
وصلوا بيت عم سعيد
ايمن وصلنا
حبيبه فاقت من سرحانها لقت نفسها قدام بيت ابوها
كان عندها امل بسيط انه ياخدها بيته او اللي كان بيتها... ده حتي ما سألهاش
يدوب هتنزل كانت هتوقع فايمن لحقها سندها وډخلها من غير ما يشيلها ... دخلوا والكل رحب بيها
عم سعيد انا اتخيلت انك هترجعي بيتك
حبيبه امشي يعني مش عايزيني
عم سعيد حبيبه قلبي بيت ابوكي علي طول مفتوح بس مستغرب
حبيبه ماما فاطمه تعبانه وانا تعبانه وايمن المفروض يرجع شغله بقي هنعمل ايه
حبيبه تسلمي يا ست الكل بس لولا انك تعبانه كنت جيت لكن ده امر ربنا... خليكي انتي معايا النهارده
ايمن امي لو عايزه تفضلي النهارده براحتك بس انا لازم اروح شغلي فقرري
فاطمه طيب وانت
ايمن مالكيش دعوه بيا انا لو روحت البيت فيدوب هغير وانزل انا بقالي كتير ما بنزلش الشغل
عم سعيد اتكل انت علي الله وسيبهملنا توكل يالا
ايمن مشي وحبيبه طلعت اوضتها ټعيط في صمت
حبيبه فاهمه ان ايمن مش قابل ان مراته حد يشاركه فيها وشايفه ان ده من حقه... مراته مبقتش ملكه لوحده.. هو بيحبها اه بس مش متقبل فكره ان حد لمسها غيره.... مش قادر حتي يبص لوشها... مش قادر حتي يواجهها.... كل ما بيشوفها بيتخيل الرجاله وهما بېلمسوها...حتي شعرها اللي كان بيعشقه قصوه... معدش عندها حاجه تشد جوزها ليها... معرفتش تحافظ علي نفسها.... وعلشان كده بطلت تطلب تشوفه في المستشفي وما اعترضتش لما جابها بيت ابوها لانها ما تيستاهلش تدخل بيته....
ايمن مشي وهو بيلوم نفسه... ازاي معرفش يحمي مراته! ازاي مقدرش يرجعها بسرعه ازاي هيا هتقدر تشوفه راجل تاني قدامهاهيا في الاول كان واحشها بس بعدها استوعبت.... استوعبت انه اضعف من انه يحمي اهل بيته.... فقدت ثقتها فيه... الراجل اللي يقبل ان مراته غيره يشاركه فيها ميبقاش راجل ...... لا لا بس ده حصل ڠصب عنك يا ايمن لا كان لازم تبقي اذكي من كده
مراتك معدتش بتثق فيك وعلشان كده بطلت تطلب تشوفك في المستشفي ولما وديتها بيت ابوها مفتحتش بوقها حتي ما اعترضتش ولو بكلمه لا دي كمان بتبرر لابوها هيا ليه جت..... هو خلاص خسر مراته... خسرها نهائي ومش هيعرف يرجعها لحضنه تاني!!!!
فتره عدت وايمن عرف يقبض علي ابن سعيد ويقفل ملف القضيه دي للاخر
كان هيقتله بس مسك نفسه وغفرله
شهر بحاله عدا وايمن بيكلم عم سعيد كل كام يوم يطمن ويهرب منهم ومستني حبيبه تقوله ولو كلمه
حبيبه كل يوم ټعيط وتستني كلمه من ايمن... اي كلمه
اخيرا اخدت قرارها... نزلت لابوها وقعدت معاه شويه يرغوا وبعدها
حبيبه بابا انا طول عمري كنت مطيعه ليك وعمري ما كسرتلك كلمه او طلب صح
عم سعيد ايوه يا حبيبه خير اطلبي علي طول
حبيبه هطلب بس لازم توعدني من غير ما تتدخل
عم سعيد ماشي مش هدخل
حبيبه ولا تقولي لأ
عم سعيد قولي بقي خير
حبيبه انا عايزه اتطلق من ايمن... طلقني منه ارجوك
انا عايزه اطلق......
ونكمل بكره
ياتري هيطلقوا طيب لو حصل هيرجعوا تاني ولا خلاص كده
استنوني
