رواية المشوه السابع والثامن

فيها القمح وماكنه الطحين بتلف وتدور وتتطحن القمح
دخل شاف الماكنه شغاله وماسكه عيل صغير تقريبا 3 سنين شابك في التروس بتاعتها والكل پيصرخ ومحدش عارف يعمل ايه ولو فصلو الماكنه التروس هتقفل علي الواد وهتقتله خالص والواد دراعه تقريبا اتكسر ورقبته شبكت في الترس وبيدبح فيه.
هنا دخل ادهم استوعب الموقف في لحظات مسك حديده طويله وحطها في التروس وقفها مؤقتا بس برضه بتتحرك ولو اتحركت اكتر هتفصل رقبه الواد خالص مد ادهم ايده ومسك التروس يوسعها شويه والماكنه بدأت تلف تاني وهو ماسكها بايديه علشان يوقفها او يحاول يوفقها وصړخ في اقرب واحد واقف جنبه انه يحاول يخرج الواد بسرعه لان التروس بتقطع ايديه ومش هيقدر يوقفها كتير.
هنا راجل فاق واتحرك وبدأ يخرج الولد والماكنه بتحاول تلف وادهم ماسكها بكل قوته ومتجاهل ايديه اللي بتتقطع او كتفه اللي اټعور اللي ساند بيه كل همه ان الولد الصغير يطلع واخيرا طلعوا الولد وهو ساب ايديه
الولد كان خلصان خالص.
وابو الواد واقف بيعيط ولسه هيشيله ادهم وقفه قاله لازم يوقفله الڼزيف علشان يوصل بيه للمستشفي وفعلا ربطله چروحه كانت الاسعاف وصلت واخدوه
الناس واقفه بتتفرج وبعد ما الاسعاف مشيت قالو لادهم علشان ايديه بس هو غطي دماغه كعادته ومشي وقالهم محدش يهتم بيه المهم الولد يبقي كويس
ادهم راح المستشفي يخيط ايديه وكتفه وهناك سأل الدكتور عن حالة الولد ايه.
الدكتور قاله انه حالته حرجه لان السيور بهدلت جسم الواد ولانه صغير فمش عارفين يكملو اللحم المقطوع بايه ورقبته تقريبا مدبوحه بس الشريان الرئيسي ما اتصابش
ادهم وهو ماشي عدي يتطمن علي الولد
وهناك شافها واقفه ملاكه الجميل
وقف من بعيد يتأمل ملامحها الحزينه وكان نفسه لو يضمها مره اخيره وهو سرحان في تأملاته سمع صوت من وراه
تقدر تقولي سيادتك واقف هنا بتعمل ايه
اتفاجئ ادهم بالصوت والتفتله وهنا جه حد واتدخل بينهم.
رواية المشوه