عشقك اهلكني الفصل الثاني

عملته فيا أني اكون انسانة عندي ميول مازوخية ...مستحيل أفضل أحب واحد كسرني ....أنا حكيتلك على كل اللي ممكن يكسرني يا ماجد ...أحبك ازاي ...اثق فيك ازاي ...اسلملك قلبي تاني أزاي ...فاكرني غبية ..لا أنا مستحيل انسى اللي حصل...يا ترى أنت فاكره يا ماجد !!!تنهد ماجد وهو يتذكر ما حدث بينهما ...
.... 
كان يوم عقد قرأنه على قمر وقد أتت مياسة في تجربة أخيرة لكي تقنعه ان يعدل عن الأمر لقد ارتبط بقمر فورا واصر ألا يكون هناك خطبة وان يكون عقد القران على الفور ...رغم محاولات والدته الا انه كان مصر للغاية ومياسة ما أن سمعت بهذا اتت لكي تمنعه ....

ما زال يتذكر هذا الموقف ...لن ينساه يوما لانه يعرف انه قټلها فعليا في تلك اللحظة !!!
.......
قدامك حلين يا مياسة أما تنسي اني أحط الشرط السخيف بتاعك أني متجوزش عليكي او تمشي من هنا وتسيبيني أروح كتب الكتاب بتاعي !!
قالها ماجد بقسۏة لتبهت هي وتقول
انت بټبتزني يا ماجد ...مش كفاية أنك بعد شهر واحد بس من خطوبتنا هتتجوز ...جاي دلوقتي ټبتزني ...
اعتبريها زي ما تحبي ميهمنيش ....
أنت ايه مشكلتك مع الشرط ده ...أنت مش قولتلي أنك مكتفي بيا ومش هتبض لواحدة غيري يبقى ايه المشكلة اني احطه ...
المشكلة ان مش أنا اللي تتشرط عليا واحدة ست وتؤمرني ...ما عاش ولا كان اللي يمشي كلمته عليا ...موافقة أتجوزك من غير شرطك السخيف ده ماشي ...مش موافقة يبقى خلاص انسي اللي بيننا وخليكي جمب أبوكي وهنشوف مين اللي هيقبل بواحدة مليانة كلاكيع زيك ...ده انا كنت متحمل بلاوي منك ....
طفرت الدموع من عينيها ...كانت لا تصدق ما يقوله ...أحست انه عدوها وليس الشخص الذي احبته وظن انه سوف يعوضها عما حدث ...ابتسمت بين دموعها وقالت بصوت مخټنق
شكرا عشان اديتني سبب عشان أنساك.....مبروك مقدما يا أبن خالتي ...
ثم استدارت لتتركه ليهدر هو بها 
خلاص روحي في ستين داهية لما نشوف مين ممكن يبصلك ....
شهقت پألم وركضت خارج المنزل متجاوزة خالتها التي كانت تنظر إليهما پصدمة !!!
......
عاد من شروده وهو يتذكر أيضا أن والدته تشاجرت معه بسبب ما فعله...حتى انها لم تحضر زفافه!!
....
نظر الى مياسة التي ابتسمت ونظرت إليه قائلة
شكرا عشان الموقف ده بالذات خلاني اقدر انساك....
نهضت واكملت
ده ردي عليك يا ماجد ...أنا مش هتجوزك لا دلوقتي ولا بعدين...ربنا يوفقك مع غيري !!..
... .
بعد قليل وبعد ان ذهب ماجد....
يعني ايه رفضتيه علطول يا مياسة مش أنا قولتلك فكري الأول ...الواد بيحبك وعايزك...مكانش مبسوط مع مراته بسببك أنت ...ليه مخليه الماضي يسيطر عليكي ...ليه متفرحيش ...عايزة تعيشي تعيسة طول عمرك ...
كانت خالتها تصرخ بها 
نظرت مياسة الى خالتها وقالت بلطف
حضرتك قولتي هتدعميني في أي قرا
...وانا مش هقدر اتجوز ماجد...هو ربنا يكرمه مع غيري وانا ربنا يكرمني مع غيره ...
وافرض مكانش فيه غيره يا مياسة....مياسة احنا مش هنضحك على بعض في الخمس سنين دوول محدش اتقدملك غير واحد بس ومتجوز كمان ...دلوقتي قدامك فرصة تتجوزي وتخلفي كمان ...
نظرت مياسة الى خالتها پصدمة ولكن خالتها أكملت دون ان تراعيها 
يا بنتي انت كبرتي في السن ...يعني أي فرصة كويسة تمسكي فيها وتسيبك من كبريائك ده ..هتبقي مبسوطة وانت عايشة عمرك كله لوحدك من غير راجل !من غير سند !!!أنت عديني التلاتين عارفة ده معناه ايه !معناه ان قطر الجواز فاتك ...ده ابني راجع وبيقول هيوافق على كل شروطك وانت بترفضي ...خلي بالك الفرص دي مبتجيش كتير يا مياسة ...ابني مش هيصبر ممكن يروح يتجوز الاصغر منك والأحلى كمان ...يعني هو عنده فرص عكسك أنت خالص اللي مش قدامك الا الفرصة دي....
ترطبت عيني مياسة بفعل الدموع ويبدو ان سناء أدركت انها كانت قاسېة عليها ...تنهدت بقوة وقالت
حقك عليا يا مياسة أنا بس خاېفة عليكي ...أنا بفكر في مصلحتك !!
مسحت مياسة دموعها وقالت بإبتسامة منكسرة
مفيش مشكلة !!!
في الليل وبعد أن خلدت خالتها للنوم جهزت مياسة حقيبتها وبهدوء خرجت من المنزل ودموعها ټغرق وجهها ...لن تعود الى هنا مرة أخرى ...ستموت ولكن لن تترك أحد يذلها!!!
يتبع
هل_أسعدك_قتلي
سولييه_نصار