عشقك اهلكني الفصل الثاني
...
ارتبكت سناء قليلا وقالت كاذبة
هو اللي جه يا بنتي وعايز يشوفك ....الحب بقا يا ست البنات...يالا اطلعي اتكلمي معاه ....
هتكلم معاه بصفتي ايه يا خالتي ... ماجد ابن خالتي بس وميصحش اطلع واتكلم معاه ....ردي أنا هبلغه لحضرتك تبلغيه....
شدتها خالتها لتجعلها تنهض وقالت
يا بت ده ماجد ...ماجد اللي اتربيتي معاه مش حد غريب وبعدين اعتبريه يا ستي جه يتقدم ...اتكلمي معاه وانا هفضل جمبكم في الصالة مش هروح بعيد بس هكون على مسافة عشان تأخدوا راحتكم ...يالا يا بنتي اتكلمي معاه ...خليني ارتاح وافرح بيكم ...
طيب يا خالتي هغير وأطلعله ...
قبلت خالتها رأسها وقالت
تسلم عيونك يا حبيبتي ...روحي الحمام واغسلي وشك كده عشان تجهزي ...
ابتسمت مياسة ابتسامة صغيرة وقالت
حاضر ....
تركتها خالتها وخرجت بحماس لتزفر مياسة بضيق وتمسك منشفتها ثم تلج للحمام والذي كان لحسن حظها بعيدا عن صالة المنزل ...
.........
نهض ما أن رأها ....شعر بمشاعر قوية تعصف به بينما تخرج من الغرفة...تذكر تلك المشاعر القوية التي كان يحملها نحوها ..لقد أحبها ...حتى بعد زواجه من قمر عجز عن نسيانها....لقد كانت بقلبه ولكن كبرياؤه العنيد عقد كل الأمور ....
قالها بإبتسامة مرتجفة على شفتيه وهو يمد كفه لتهز هي رأسها ببرود وترد برسمية
أهلا بحضرتك ..
حضرتك!
قالها بنبرة جريحة ولكنها رفعت رأسها ونظراتها كانت جافة ...نظراتها قټلته ... جلست متجاهلة كفه الممدود وجلست على الأريكة ...
جلس هو بإحراج أمامها وهو يفرك كفيه ...لا يبدو أنها في مزاج جيد لسماعه ...بدأ في التكلم بحذر وقال
عارفة ..
قالتها بجمود ثم أكملت بنفس الجمود وهي تنظر مباشرة في عينيه
وأنا مش موافقة يا ماجد ومش هوافق ..
هكذا قالتها دون تردد دون ندم وهي تنظر في عينيه....قسۏة غريبة حاوطت قلبها من ناحيته ...لقد كان حياتها ...في يوما ما أحبته أكثر من الحياة ولكنه أمسك سکين وطعنها في قلبها ...هي لن تنسى هذا ...وها قد أتت فرصتها لتقول له كل شئ ....تخبره كل الحقيقة ...تخبره شعورها ...
اياك تقولها ...متقولش الكلمة دي مش من حقك تقولها ....لما تتكلم معايا متشيلش التكلفة ما بيننا أنت يدوب ابن خالتي ومتعنيش ليا أي حاجة !!!!
أنا مش قادر اصدق !!
كان يقولها دون تصديق ...يبحث في عينيها عن تلك اللمعة التي تخصه فلا يجدها ...ينظر وينظر ولا يرى الا الجفاف ...
أنت بطلتي تحبيني !
ضحكت بسخرية وقالت
ايه اللي هيخليني لحد دلوقتي أحبك !الحالة الوحيدة اللي تخليني احبك لحد دلوقتي بعد كل اللي
