احفاد الچارحي الجزء الخامس من الفصل الحادي عشر حتي الخامس عشر

باستنكار 
_أممم... خطفت اسم امبراطور آل الچارحي.. أكيد وراث منه كتير غير اسمك. 
منحه الصغير ابتسامة بشوشة وهو يجيبه بنباهة 
_ولو مش وارث أكيد هحاول أكون شبهه وأورث نفسي اللي أقدر عليه منه. 
ضيق عينيه وهو يهيم بالتطلع به بغموض فرفع كفيه وهو يشير له بمنحه الصفقة فطرق ياسين بيده على يده والاخر يردد بإعجاب 
_ذكي... عجبتني! 
ضحك وهو يتابع سؤاله بفضول 
_هو حضرتك ظابط زي بابا 
حانت منه نظرة جانبية لعدي قبل أن يجيبه بجدية 
_مفيش حد زي أبوك! 
وتابع بنفس الابتسامة 
_أنا مش معروف زيه لاني شغلي بيكون أغلبه للقضايا اللي برة مصر وده بيجبرني أكون مخفي عن العيون ومينفعش أكون معروف لحد أما أبوك بقى فسيطه واخده لأي مكان وده تقريبا اللي بيوقعه بالمشاكل دايما! 
ضحك عدي وهو يتابع حوارهما فانتصب الجوكر بوقفته وهو يشير لحارسه الخاص بالاقتراب وأخبره وهو يلف ذراعه حول ياسين 
_خد ياسين على الحديقة الخاصة وخليه يلعب مع الاولاد. 
أومأ الحارس برأسه وهو يصطحب الصغير مرددا 
_حاضر يا باشا.. 
وغادر به ليواجهه بطرف الخيط الذي سيشكل مصيرا مختلف لذاته لتلك التي ستجعله لم يرى ولن يتمكن من رؤية أي مسمى لفتاة بعدها... ربما بداية لملحمة مٹيرة ولم يسبق لتاريخ العشق بذكرها قط! 

استغل مراد بقائهما بمفردهما وسأله باسترابة 
_مالك يا عدي 
حاول الهروب من اجابة ذاك السؤال الذي بات يجهل كلمات اجابته فقال وهو يمشط المكان بعينيه 
_مروج كويسة 
أجابه بثقة 
_أكيد انت عارف اجابة سؤالك بدون ما أجاوبك. 
ابتسم وهو يهز رأسه بسكون ووضع يده بجيب جاكيته ثم مال على السور المنحرف حول السد الصغير الذي يعلو المسبح الضخم فمال مراد بجسده على السور وهو يسأله من جديد 
_مش عايز تقولي مالك
اكتفى بمنحه ابتسامة باهتة فالقى نظرة متفحصة على البذلة الانيقة التي يرتديها ثم قال بخبث 
_لايق عليك جو المدراء والشركات. 
ضحكة ساخرة انفلتت ليتبعها نبرته الساخرة 
_كلها شبه بعضها عندنا حروب وهناك حروب.. هنا بنتعامل مع مجرمين وهناك بنتعامل مع الأصعب منهم وفي كلتا الحالتين لازم تفكر وتدور على طرف الخيط والادلة والمعلومات عن اللي هتواجهه.. كأن الحياة كلها اتخلقت للمواجهة والتحدي والصراع! 
لمس بنبرته تغيره الغريب ومع ذلك قال 
_حاسس انك مخڼوق ومش حابب اللي أنت بقيت عليه.
ومن ثم وضع يده على كتفيه وهو يحثه 
_ارجع لمكانك يا عدي.. أنت زي السمك اللي لما يخرج من المية بيتسحب منه الروح! 
الټفت اليه برأسه وبحزن قال 
_معتش ينفع يا مراد.. خلاص سبق واختارت. 
وببسمة حالمة أخبره 
_اللي كنت بحلم بيه وبتمنى أحققه ابني هيحققه نيابة عني... عشان كده اتعمدت اجيبه معايا النهاردة.. عايزك تكون جنبه وتعلمه بنفسك.. عايزه يكون أحسن مني. 
ضيق عينيه باستغراب وذهول لما يستمع اليه فردد بسخط 
_أنت أفضل يا عدي.. علم ابنك انت. 
هز رأسه نافيا 
_مش هقدر.. اعتبره واجب صداقة لازم تقوم بيه. 
مسد على كتفيه وهو يخبره بيقين 
_أخوة قبل ما تكون صداقة. 
وبمزح أخبره 
_أنا قاعد اديك نصايح ومواعظ وأنا نفسي مقبلتش أعمل كده مع بنتي وسايبها لرحيم يدربها ويمشي معاها المشوار اللي رفضت امشيه. 
اتسعت عينيه على مصراعها وهو يتساؤل باسترابة 
_بنتك.. معقول! 
ضحك وهو يخبره 
_لو سمعتك هتقتلك وقتي.. أي شخص بيقلل منها كبنت حتى من غير ما يقصد عينك ما تشوف الا النور.. شايفة نفسها من دلوقتي الرائد مرين مراد زيدان! 
تعالت ضحكاته الرجولية وهو يشير اليه پصدمة 
_ويوم ما تختار مدرب لبنتك تختار الاسطورة يا راجل قول كلام غير ده! 
حك جبينه وهو يشير له بمزح 
_هو أشرس مني هيعلم البنت أكتر مني.. وبعدين أنت كأب لما اختارت لابنك حد يمشي معاه المشوار ده اختارت حد غيرك مع انك من أكفئ الظباط وده يدل انك خاېف تكون حنين معاه يعني تقريبا نفس السبب اللي عندي! 
هز رأسه باقتناع ومن ثم تساءل بفضول 
_طب هو فين.. وحشني القعدة معاه 
أجابه بتذمر 
_طالع مغامرة لوحده.. وحالف مېت يمين اننا منشتغلش مع بعض تاني كل واحد عنده مهمة يطلعها لوحده. 
أثار حافظة فضوله فردد ساخرا 
_متقوليش أنكم بعد كل الانجازات دي اكتشفتوا فجأة انكم مختلفين بطريقة الشغل فقررتوا تنفصلوا! 
ضحك بصوته كله وهو يشير له نافيا وبدى صوته مضحك بتقمصه شخصية الاسطورة  
_لا بقى شايف اننا في رقبتنا عيلة غفيرة فقالك بدل ما ڼموت سوا يبقى في واحد بديل هنا يحيا لأجل البقية بس ده طبعا الواضح لينا بس بنساعد بعض من تحت لتحت.. انا براقبه وهو بيراقبني وقت ما حد فينا بيحتاج مساعدة محدش فينا بيتردد... يعني يا صاحبي تقدر تقول رجعنا لشغل القط والفأر تاني بس بطريقة لطيفة كلها محبة وخبث. 
ولكزه بمشاكسة 
_زيك أنت وياسين الچارحي كده! 
ضحك باستهزاء وهو يغمغم 
_محدش زي ياسين الچارحي على الأقل انتوا الاتنين عارفين أولكم من أخركم.. أنا مبقتش قادر أفهم حاجة! 

عدد مهول من الألعاب الضخمة تنفرد بتلك الحديقة الواسعة على يساره خيمة ضخمة تحوى عدد من الكرات وأخرى تضم أكثر من خمس أرجيحات تتدلى من أطرافها الفتيات وتلهو بسعادة أما الفتيان فكانوا يتسابقون على الدراجات ومنهم من يقوم بقيادة السيارات الصغيرة التي