حكايات بقلم اسامة محمد الهواري

صرفتيهم ما انا عارفه ايدك طويله
مصطفي بخبث
ما تقولي الفلوس راحت فين.... سيبيها يا ماما تلاقيها اشتريت طقم جديد...
الأم..
ساكته ليه وديتي فين باقي المرتب
صباح بحزن...
ما فيش حاجه يا ماما هو زي ما قال لك مصطفى كده اشتريت بيه طقم جديد
الام پغضب بتقرب منها وبتشدها من ايدها...
بقى هتشتري طقم ب 1200 جنيه بنت مين انت في مصر عشان تشتري الطقم ده
صباح....
معلش يا ماما حقك عليا غلطه ومش هتتكرر
الام...
كسر حقك يا مقصوفه الرقبه انت لازم تتربي من الاول وجديد..... واعملي حسابك ان ال 1200 دي هتتخصم من مصروفك
صباح...
هو فين بس المصروف اللي انا باخده انا مش باخد منك غير المواصلات وبس ده حتى مش بتكفي فلوس المواصلات اللي كل يوم في زياده
مصطفي....
خلاص يا ماما سيبيها مش ناقصين صداع....
الأم ل ابنها مصطفى
خلاص يا حبيبي ما تزعلش نفسك وخد الفلوس دي اشتري بيها هديه لخطيبتك وانزل خرجها...
مصطفي..
هم دول بس يا ماما ده بكره عيد ميلادها يرضيكي اجيب لها هديه اي كلام..
الأم...
لا يا حبيبي ما يرضينيش خد المرتب كله وهات بيه كل اللي نفسك فيه اهم حاجه تتبسط انت وخطيبتك انا ما عنديش اغلى منكم.....
مصطفي....
ربنا ما يحرمني منك يا ست الكل.....
رجعت المكتب اشتغل وانا كل يوم عن يوم بيزيد كره لامي واخويا بس ما كنتش قادر اعمل حاجه غير اني اتقبل الامر الواقع لغايه ما في يوم فاجئني الاستاذ شوقي المحامي بطلب انا ما كنتش متوقعاه ابدا....
صباح پصدمة
لا لا لا .... اللي انت بتقوله ده مستحيل...
شوقي....
هو ايه اللي مستحيل يا صباح هو انا طلبت حاجه غلط ولا حرام
صباح... 
في شرع امي واخويا اللي طلبته ده غلط وحرام وما فيش حد هيوافق على اللي انت بتعمله ده..
شوقي....
وانا وافقت وقلت لك اني مستعد ادفع عليهم كل شهر المرتب اللي انت بتاخديه من هنا.... ومستعد لاي طلب كمان حتى اخوك ممكن اشغله معايا في المكتب...
صباح
هو انا مش هقبل بحاجه زي كده لاني اعتبرتها شفقه منك
شوقي...
انت ليه بتحسبيها كده ليه ما تقوليش ان ربنا بعتني لك في الوقت المناسب عشان اخلصك من كل ده يمكن انا كمان محتاج لك اكثر ما انت محتاجاني
صباح بدموع
ارجوك انا فيا اللي مكفيني.... فممكن ما تفتحش السيره دي تاني عشان لو فتحتها انا فعلا مش هرجع الشغل ومكتبك ده مش هدخله ثاني
شوقي...
خلاص خلاص انا هسكت بس يا ريت تفكري في الموضوع وتشوفي طلبي يمكن توافقي
صباح
انا لو فكرت في كلامك وطلبك 1000 مره هتلاقي نفس الرد وكل يوم بصمم على المره اللي قبلها.......
رجعت بعدها البيت ودخلت اوضتي وفضلت أبكي من الۏجع ..... لغايه ما بعد يومين بالظبط كان الباب بيخبط وما توقعتش ان يكون شوقي ومعاه مامته انا وقتها عرفت هو جاي ليه وكنت بمۏت من الخۏف..... استقبلته امي واخويا وقعد معاهم..... وبدا لكلام وكان متردد لغايه ما طلب ايدي صراحه من امي واخويا وبعدها لقيت رد امي اللي تقريبا كنت عارفاه متاكده منه
الأم....
احنا ما عندناش بنات للجواز في 1000 بنت غيرها تتمناك بس انا بنت مش هجوزها
شوقي....
طيب ممكن اعرف سبب الرفض
الام..
ما عنديش اسباب هقولها وبعدين مش من حقك تعرف انت مرفوض ليه دي بنتي وانا حره فيها...
شوقي..
طيب ما تشوفي راي الانسه صباح يمكن تكون موافقه
الأم...
الراي هنا رايي انا والكلمه كلمتي.... واتفضل خد الحاجه اللي انت جايبها مش عايزين نشوف وشك هنا تاني.....
شوقي....
انا هعتبر نفسي ما سمعتش حاجه وهنتظر ردكم في اقرب وقت..... ولو كان السبب في