سر حمايا الجزء السابع بقلم حسن الشرقاوي

دخلت القصر دااااا
ونمت وزي اليوم إلي قبله صحيت من النوم مالقيتش يامن جمبي
قمت من النوم كنت أحسن شوويه من بليل ونزلت تحت
لقيت حمايا قاعد 
لكن المره دي لقيت في شخص غريب معاه ماشوفتوش
ولما أخد باله من نظراتي لييه وأنا بكلمه 
قال...دا شريكي حامد يا ياسمين 
بصلي وابتسم ابتسامه غرييبه وقال..هي دي آخر واحده يا سليم
وكانت دي نفس الكلمه إلي سمعتها من الست إلي كانت في الحفله إلي يامن قال عليها لما قدمها ليا إنها أمه ورجع قال إنها إلي مربياه
الفضول اخدني إني أقول لحمايا...ايييه موضوع آخر واحده دي يا عمي
قال بعد ما حسيت إنه ارتبك... هاااا لييييه بتسألي ليييه
قلت...اصل امبارح في الحفله واحده قالتلي نفس الجمله دي ويامن بيعرفني عليها قالته بردووو دي آخر واحده
بعد أرتباك منه غير الموضوع وقال بعد ما بصله بغيظ إنه قال كدا... أسكت يا حااامد علي إلى حصل امبارح
وفضل يحكيله على إلي حصل في الحفله بليل 
علشان يضحك الشخص دا ضحكه بارده مصطنعه ويقوووول....ااااه أنا نفسي بقا يحصلي موضوع التهيؤات دي يا بنتي ماتقلقيش هاتبقي كويسه كلها شهرررر
رجع حمايا يبصله نفس النظره ويكز على أسنانه لما قال كدااا
صلح وقال...اااه أقصد كلها شهررر وتاخدي علينا
وضحكوا الإتنين
وقال حمايا...ايييه يا ياسمين مش هاتعملي حااجه من ايديكي الحلوه دي ولا ايييه
قلتله...اااه هما الخدم مشيوووا
رد الراجل شريكه دا وقال بإستغراااب...خدم!!!خدم اييه !!
بصيت ليييه بدهشه وقبل ما أركز في الكلمه إلي قالها بعد ما لاحظ حمايا
قال حمايا...الخدم يا جدع الخدم إلي بينزلواااا يشتغلوا في المزرررعه بالنهار
قاال..ااااااه الخدم....وضحك
قال حمايا بضحك...ايييووووه دا إنت شكل الزهايمر عالي عندك النهارده ووجه خطابه ليا بضحك..اهوووو شووفتي يا ياسمين مش إنتي لوحدك اهوووو
عمك حامد زيك وعنده زهايمر
وطلب مني إني اعملهم حاجه
اتجهت للمطبخ وأنا بفكر في كلامهم وتعبيرات وشوشهم وتصليح حمايا لكلام الراجل داااا
وأول مالقوني بعدت بدأوا يتمتموا بكلام بصوت واطي اوووي
ورجعت بنظري لقيت حمايا كأنه بېعنفه على إلي قاله
وفي المطبخ وقفت أفكر في الكلمه إلي قالها
آخر واحده وقلت....اييييه آخر واحده دي
وسرحت في كل إلي بيحصلي
عملت ليهم قهوه وطلعت اديهالهم مالقتهمش موجودين
قلت بسخريه...اييييه التهيؤات رجعتلك تاني يا ياسمين ولا ايييييه
فضلت أنادي وطلعت برا أدور عليهم مالقتهمش
قلت...راحوااا فين دوووول كماااان
طلعت الجنينه ومشيت لحد ما وصلت للباب الرئيسي للقصر وهناك لقيت شاب قدام الباب
قلت في نفسي...داا فيه بني آدمين في المكان دا اهووو
وبعد شويه بعد ماخرجت برا الباب أدور على حمايا والراجل إلي معاه كنت بدور عليهم خارج القصر بعد ما دورت في القصر جوووه 
لقيت الشاب جاي ناحيتي وبيقولي....هو إنتي بتدوري على حد ولا ايييه
رديت عليه...وقولتله أيوا حمايا وواحد معاه كانوا جوه ومعرفش راحوااا فين
قال باستغراب حماااكي!!!!!هو إنتي متجوزه هناااا
قلت...ايووووه
قال...فييييين!!!!
قلتله...في القصر داااا بعد ما شاورت ناحية القصر
اتسعت عنيه وحسيت إنه
اندهش لما قلتله كدااا
و قااال...انتي بتقولي متجووزه فيييين!!!!!!
ووووو
يتبع.... انتظروا الجزء القادم للمزيد من الإثارة والتشويق
السر قربنا نعرفه خليكم متابعين واتفاعلوا