رواية نواضر الحلقة الاولى و الثانية
حس ولا خبر تقوليش إبرة في جرن قش!
قلت له بس أنا عرفت مين اللي عملها.
الكلام نزل على أبويا صډمه وأمي خبطت على صدرها وهى بتقول
يا نصيبتي السودة!! ايه اللي بتقوليه ده يا بنتي! الكلام ده مفيهوش هزار ولا لعب عيال.
وقتها كنت عندي بتاع ٩سنين كده ولا ١٠
أبويا قالها بصوت ششش وطي صوتك واصبري نسمع منها أنتي نسيتي موضوع أخويا وبنت الصواف اللي حصل عمنول!! ده معداش الحول يا وليه اصبري بس..
قولي يانواضر مټخافيش عرفتي ايه!
مسكت في عروستي بكل قوتي وكنت كأني شايفه محرز الكلاف وهو واخد بيومي الله يرحمه وداخل بيه غيط الدرة بتاعهم..
بقولك ايه يابيومي أنا هنزل الغيط أجيب أكل للبه ايم تيجي معايا هناك ونلعب سوا لعبة هتعجبك أوي..
بيومي كان طفل صغير يمكن من سني أو أقل شويه.
بيومي فرح أنه هيلعب مع محرز وراح معاه الغيط وهناك ظهر الوش الحقيقي لمحرز..
شيطان عايز ينهش جسم العيل الصغير ويوسخه بشهوته القڈرة..
قرب محرز من بيومي واللي عرف أن اللي بيعمله مش لعبة..
كان بيعيط وهو بيقوله هيقوله لأبوه على اللي عمله معاه.
وفجأة ايده بتمسك الشرشرة ودي حتة حديدة كده بيستخدمها الفلاحين في الغيط. نزل محرز بالشرشرة دي على رقبة بيومي..
أمي هتصوت راح أبويا حاطط ايده على بوقها
شششش هتفضحينا يا نعيمة اسكتي اسكتي..
أمي كانت بتتنفض وأبويا بيضرب كف بكف وبيكلم نفسه
كنت بلعب بالعروسة ومش مستوعبة هو بيقول ايه أصلا..
أمي جريت دخلت قاعتها وقفلت الباب وراها أبويا لحقها
مالك يانعيمة!!
مالي ايه بس يا خليل مش سامع اللي سمعته من شوية!
اه سمعت
طيب ولما سمعت هتعمل ايه!
يعني جابت الكلام ده منين!!
يا سلام!! وكانت خيالها واسع يوم مصېبة أخوك وبت الصواف.
لأ يا خليل اللي بيحصل ده مش طبيعي..
لسه مخلصوش كلام إلا وسمعوا صوت رزع على باب الدار. حد ماسك الحدوة الحديد المتعلقة على الباب الخشب الكبير ونازل خبط بكل قواه.
الحق ياخليل الحقني ياأخويا الواد محرز ابن عمي..
أبويا بص له ورجع بص ناحيتي..
ماله محرز ابن عمك يا مجاهد ادخل بس وخد نفسك شكلك جاي جري..
نفسي ايه اللي هاخده ده ولاد
