رواية نواضر الحلقة الاولى و الثانية
كنت بحسس حواليا وملهوفة على عروستي وكأن روحي متعلقه بيها كأني ساكنه جواها وهى ساكنه جوايا..
وفي ليلة كانت أول مرة أشوف مصيري لما شوفت في الحلم أغرب من الخيال.
شوفتها لأول مرة جاية بتضحك كانت جميلة وشابه صغيرة.
قالت لي أنا أمك يا نواضر! كنت متاخده كده لا فرحانة ولا زعلانه لأ كنت مخضۏضة وخاېفة.
أنا عارفه أنك مش هتسامحيني ولا ليا عذر عندك بس صدقيني مكنش قدامي حل غير كده أني أبعدك عنه وأحميكي من قبيلته وعشيرته..
أنا كنت واقفة يومها براقبك وأنتي لسه حتة لحمة حمرا عشان أعرف مين اللي هياخدك يربيكي.. والحمد لله ربنا صرف لك الناس الطيبين دول..
فجأة صحيت من النوم وأنا مړعوپة ومش عارفه هو ده حقيقي ولا مجرد حلم بس لأ ده مش حلم ده أنا فاكره شكلها وحافظة كل كلمة قالتها!
عدى كام شهر والبلد هادية مفيش حاجه لحد ما لقوا عيل من عيلة أبو العنين مقت ول ومرمي في غيط الدرة بتاعهم..
أبوه وأمه ناس طيبين وميسورين الحال.
مكنش فيه أي دليل على المچرم. والناس كلها ماشيه في الچنازة تبكي من القهر عليه. ماهو كان وحداني أبوه وأمه..
كنت سامعه أمه خالتي أوصاف بتنعي والحريم مسنداها وبتقول كانت عين واحدة وراحت ياضنايا..
النعش اللي فيه چثة ابن أبو العنين وقف فجأة وكأنه بيحاول يوجه الناس لمكان معين..
صوت الناس كان بيهلل ويكبر ومشيوا بسرعة ورا النعش اللي وقف في مفترق طرق بحري البلد..
ورجع معاهم تاني يمر من قدام دارنا وأنا بنفس وقفتي بالعروسة في الشباك.
البه ايم اللي شغال عند دار أبو العنين مڼهار من العياط والنواح لدرجة وقع مغمي عليه والناس شالته..
الكل كان شايف محرز الكلاف راجل مجدع وأصيل حزين على ابن ولي نعمته
إلا أنا والعروسة أو خلوني أقولكم بمعنى أصح شويه.. أخويا اللي تحت الأرض اللي ساكن عروستي..
متخافوش هو مش مؤذي على فكرة.
المهم الواد محرز الكلاف اختفى بتاع أسبوعين تلاته كده وقالوا ده من وقت الحاډثة وهو عيان..
كنت قاعدة مع أبويا وأمي وفجأة قولت له
أبويا هم لسه ملقوش اللي خلص علي بيومي ابن أبو العنين!
أبويا اتنهد وقالي لا والله يانواضر يابنتي لا
