نواضر الحلقة الخمسة و السادسة

دخلت نبوية واستلمت شغلها في دارنا من كنس وتنضيف.. 
أمي قالت لها اللهي تتستري يانبوية خوشي جوه على عشش الطير امسكي... 
استني لما اعد كده. 
أمي كانت بتعد على صوابعها عددنا وعدد نبوية وعيالها. 
اه امسكي جوز عتاقي كبار كده و دكر بط ادبح يهم 
ردت نبوية حاضر يا خاله نعمة 
ردت أمي ألا يا نبوية نطبخ عليهم ايه 
ردت نبوية وهى عينها فيها نظرة غلب اللي تقولي عليه ياخالة.. 
أمي قالت يعني شوري عليا كده! 
افتكرت نبوية ابنها وهو بيقول نفسه في برام رز وحبة طبيخ وحتة فرخة 

خير ربنا كله حلو يا خالة.. 
يعني برام رز وشوية طبيخ.. 
أمي على قولك طيب لما تخلصي تنضيف الطير روحي إحمي الفرن وعندك الابرمه هناك عليه هاتي برامين كبار كده نظبطهم رز وبرامين تانين بطاطس.. 
نبوية كانت نشيطة وشاطرة ولهلوبة في الشغل.. 
بسرعة دب حت الطيور ونضفتها وولعت الكانون وعلقت عليهم يتسلقوا. 
وراحت عملت ابرمة الرز والطبيخ.. 
البيت كان بيلمع بجد وكأن أمي هى اللي عملت كل ده.. 
راحت نبوية لقاعة أمي كنت نايمة في حضنها على فرشتها.. 
أمي تعالي يانبوية.. 
نبوية أنا خلصت ياخالة نعمة والأكل جاهز وكل حاجه.. 
أمي طيب اسنديني كده أنزل.. 
نبوية خدت ب ايد أمي وطلعتها بره القاعة.. 
أمي تعالي يانبوية طلعي برام رز وبرام طبيخ وفرخة.. 
نبوية طلعتهم.. 
اهو ياخالة.. 
أمي هاتي السبت اللي هناك ده حطي الحاجة دي فيه.. 
نبوية جهزت السبت.. 
أمي شايفة شيكارة الرز والطحين اللي هناك دول 
نبوية اه ياخالة. 
أمي يلا خوديهم مع السبت بالأكل ده لعيالك 
نبوية ده كتير يا خاله والله كتير 
نبوية عيطت وهى بتمسح وشها بطرحتها السودا المقطعة.. 
أمي مالك يابتي بټعيطي ليه بس 
نبوية تصدقي بالله ابني ليلة امبارح كان بيقولي نفسه ياكل برام رز وطبيخ وحتة فرخة وأنا ربنا عالم بيا الايد قصيرة. 
النهارده  لما بعتولي كان بقالي يومين مفيش شغل وقاعدة في الدار والله ما حدانا غير شوية مش ورغيفين ناشفين.. 
أمي طبطبت على نبوية. 
بلاش نواح يابت أومال أنتي خلاص شغلك هنا في دارنا يوماتي وكل يوم تعملي حساب عيالك في الطبيخ مفهوم 
نبوية بتوطي على ايد أمي تبوسها 
أمي زعقت لها وهى بتقول 
اوعاكي تعملي الحركه دي تاني يلا روحي ودي الأكل لعيالك لحد ما النفر يجيب الب هايم من الغيط عشان تحلبي هم  مش بتعرفي يا بت ولا ايه 
نبوية بتضحك وفرحانه ايوه ياخاله بعرف اومال ايه 
حمامه هروح جري للعيال وأرجع لك هوا. 
نبوية شالت الأكل والرز والطحين وراحت دارها. 
افتحوا ياعيال.. ياواد يا اسماعين تعالى خد مني ياولاه 
واد ياسعيد انتوا فين ياعيال.. 
بيطلع عيال نبوية أطفال ٣في سن ٩و٧و٥سنين.. 
نبوية بتنزل الأكل وتحطه على الطبلية.. 
تعالوا ياضنايا شوفوا ربنا رزقني ازاي 
تعالى ياواد يامزغود مش كان نفسك في برام رز وطبيخ لا وكمان فراخ أهو 
عيال نبوية بيتنططوا م الفرحة. وهى بتقسم عليهم الفرخة وبياكلوا.. 
عدى شهرين ونبوية في دارنا بتشتغل وبقت واحدة مننا وأبويا وافق لما أمي حكت له ظروفها. 
في يوم أمي تعبت أوي مكنش حاجه بتقعد في جوفها ودوخة ملزماها.. 
أبويا خدها وطلعوا بيها على المستشفى وسابوني مع نبوية وعيالها في دارنا.. 
دخلت قعدت في القاعة البحري وهناك سمعت صوت أبويا الجني.. 
ههههههه ايه يا برجاشة مش عارفه الانسية مالها! ولا خاېفة تصدقي! 
قولت
له خاېفة أصدق لأكون بوهم نفسي.. 
ضحك وقالي طيب روحي يلا اطلعي هم وصلوا.. 
قمت حسست بايدي لحد ما طلعت بره للصالة.. 
سمعت أبويا يانواضر يانواضر 
تعالي يا وش السعد 
جريت ونبوية جريت على صوته وفرحته 
أنا خير يا آبا!! 
أبويا أمك حبله أنا هبقى أب 
أنا مش قادرة أوصف لكم فرحتي 
أمي بټعيط مش مصدقة ونبوية بتزغرط وعيالها حواليها مزقططين.. 
انتشر الخبر في البلد وكله بقى 
يض رب كف بكف!!