موسيقي المۏت 2

والناموس مالين البيت فرشيت مبيد حشري وقعدت برة عشان الريحة فضلت أفكر في كل اللي حصل اليومين اللي فاتوا واللي لسه هيحصل من تبعيات القضية وتخطيط القاټل وفي وسط مانا شارد لاقيت ايد لمست كتفي وقفت فجأة وأنا ببص حواليا بس الحمدلله الإيد دي كانت إيد الست فاتن فضلت تعتذرلي كتير عشان خضتني وطلبت مني ندخل نقعد جوة شوية ونتكلم جيبتلها كرسي وقولتلها...
معلش يا ست فاتن راشش مبيد حشري في البيت والريحة صعبة لدرجة إنها واصله لهنا.
قعدت على الكرسي وقالت بوش بشوش...
وماله يا حبيبي نقعد هنا ونتكلم يا قلب ماما.
والله ما عارف أقول ايه على اهتمامك ده يا أمي.
يا واد ماتقولش كده انا شايفاك تعبان من ساعة ما قبضوا على المعلم ويا ولداه مش بتنام كويس.
مانتي عارفة المعلم ده يبقى ايه عندي الراجل ده في مقام أبويا وماصدقش عليه الكلام الفاضي ده.
ولا أنا والله يا ابني عشان كده طمني ايه أخبار القضية.
الدنيا مش أحسن حاجة ادعيله وبإذن الله هيخرج منها قريب.
ربنا يطمنا عليه يابني أنا قولت أجي أتطمن عليك وعلى المعلم والحمدلله أنت بخير هقوم أنا أشوف مدام أستاذ رشدي عشان كانت عايزاني.
فيكي الخير يا أمي اتفضلي.
راحت الست فاتن على بيت أستاذ رشدي وانا قعدت شارد وباصص للسما وبقول يا رب وبعد ما الريحة راحت تماما دخلت بيتي وفردت جسمي على السرير من التعب الساعة كانت تسعة بالليل والشارع كله مافيهوش نفس على غير العادة دليل على خوف الناس من القاټل اللي عايش وسطينا بالرغم من القبض على المعلم إسماعيل لكن الخۏف لسه مسيطر على أهل المنطقة.
ماعرفش عدى قد ايه وأنا قاعد على السرير لكن فجأة سمعت صوت الموسيقى بيتكرر تاني..
تتبع