موسيقي المۏت 2
وبس عشان كده المعلم هيقعد أربع أيام على ذمة التحقيق والأقرب إنه هيتجددله 15 يوم تاني بس خير إن شاء الله ربك مايرضاش بالظلم... روح انت دلوقتي شكلك تعبان ومانمتش من امبارح وأنا هبقى ابلغك بكل جديد ماتقلقش.
أنا فعلا تعبان ومحتاج أنام بس قبل ما أمشي قولي.. محتاج كام.. عشان أقدر أدبرلك المبلغ.
ماتشيلش هم الفلوس المعلم قال إن كل حاجة عنده هو عايزك جنبه مش أكتر.
رجعت البيت وأنا مش شايف قدامي جسمي كان واجعني من كتر التعب كنت حاسس إني عايز أرجع بس أول ما شوفت السرير اترميت عليه ونمت ماعرفش عدى قد ايه قبل ما أصحى لكن لما صحيت لاقيت ناس كتير اتصلوا بيا أهمهم مديري في الشغل واللي كلمني أكتر من خمس مرات والأكيد إنه عشان غيبت من غير إذن اتصلت به فهمته إن عندي عزاء ومسافر وهقعدلي كام يوم كده في البلد مديري وافق على الأجازة والحمدلله أهو أفوق بقى للمعلم وللقاټل اللي وسطينا وبمجرد ما جات سيرة القاټل افتكرت خالد اتصلت به أشوفوا عمل ايه لاقيته كان رانن عليا كتير هو كمان وبمجرد ما رنيت عليه رد عليا وقالي...
معلش يا خالد كنت نايم ولسه صاحي طمني على المعلم.
المعلم زي الفل بس اااا.
بس ايه يا خالد.. قول.
السکينة اللي لاقوها في بيت المعلم هي هي السکينة اللي استخدمها القاټل في قتل العيلة الأولى أما البصمات اللي عليها ماتخصش المعلم يعني كده القضية فيها كلام تاني.
طب الحمدلله كده المعلم هيخرج منها.
مش بالسهولة دي يا عماد الشك بيزيد إن في حد ساعد المعلم في الچريمة.
يعني ايه!
يعني اهدى كده وخير إن شاء الله أنا هحاول أظبط زيارة تانية للمعلم يلا سلام دلوقتي عشان عندي مرافعة.
قفلت مع خالد وحسيت إن الدبان
