موسيقي المۏت 2

كان المحامي ظبط كل حاجة قعدنا مع المعلم وطلبت منه يحكي كل اللي عنده وبدون مقدمات بدأ يبكي ويقول...
انا ماعملتش حاجة من اللي بتتقال عليا وازاي راجل في سني مش بيقدر يمشي زي الأول هيرتكب چريمة كبيرة زي دي!.
حطيت ايدي على كتفه وطبطبت عليه...
اجمد كده يا معلم أومال شدة وهتزول وربك مايرضاش بالظلم.
قاطعنا خالد المحامي وقال...
امسك نفسك يا راجل يا طيب الموضوع هيكون سهل لو فهمتنا كل حاجة.
رد عليه المعلم پخوف...
مافيش حاجة تتحكي يا أستاذ عشان أحكيها أنا نمت وصحيت على صوت الموسيقى ولما الشرطة جات وفتشت طلعوا السکينة من جوة بيتي ولما كملوا تفتيش لقوا مذكرات جوة البيت وأنا راجل مش متعلم كويس يابني يعني بقرأ وبكتب على قدي أروح كاتب مذكرات!
رد عليه المحامي وقال...
حلو أوي الكلام ده يا معلم وهيفيدنا أوي في القضية بس أنت ماتعرفش ايه اللي موجود جوة المذكرات دي
والله ماعرف يابني أنا كل اللي عرفته من وكيل النيابة المسؤول عن القضية إن المذكرات جواها كلام عن إني بنتقم لمراتي وكلام غريب ماعملتوش ولا أعرف عنه حاجة.
المعلم خلص كلام مع المحامي وبص لي وهو عينه بتدمع...
والنبي يابني ما تسيبني أنا ماليش غيرك وانت عارفني كويس ماعملهاش.
خدته في حضڼي وطبطبت عليه وأنا بقوله...
شدة وهتزول يا معلم... شدة وهتزول.
باب الأوضة خبط ومن غير ما نرد كان في عسكري دخل وطلب مني أطلع إنما خالد هو والمعلم هيقعدوا مع وكيل النيابة ولما طلعوا من المكتب المعلم مشي مع العسكري وكان باين على وش خالد تساؤلات كتير فبدأ يشاركني بها ويقول...
الأكيد إن المعلم مالوش علاقة بالچريمة ومش عاطفة وخلاص المذكرات أكتر حاجة هتثبت براءة المعلم وطريقة القټل مايعملهاش راجل في سنه حتى ولو كان جزار قديم لكن اللي أنا متأكد منه أن القاټل ده ذكي وقاصد حاجة من اللي بيعمله ده.
طب ووكيل النيابة قالك ايه جوة
طريقته بتدل إنه شاكك في براءة المعلم لكنه ماعندوش حاجة يعتمد عليها غير الأدلة