خلف القناع الحلقة الاولى بقلم مارلي إيهاب

اتفضل لو سمحت اطلع على المستشفى واقفل الموضوع ده نهائي مش عايزاه يتفتح
وليد بغيظ
حاضر يا اميره
طلعوا على المستشفى وكان احمد لسه قاعد في الطرقه بتاعه المستشفى قدام غرفه ابنه مش قادر يدخل له
اميره
ايه يا بابا اتكلمت معاه
احمد بحزن
هدخل اقول له ايه يا بنتي خطيبتك سابت لك الدبله سابتك في وقت انت محتاج لها فيه بعتك بالرخيص علشان شكلك
اميره بحزن
انت لازم تقويه يا بابا وتعرفه ان دي واحده ما تستاهلش وما كانش ينفع يرتبط بيها من الاول
احمد بحزن
مش قادر اشوفه هو مكسور حاسس بۏجع في قلبي يا اميره ادخلي انت كلميني هو بيحبك وهيتقبل منك الكلام
اميره بحزن
تعالي يا بابا ندخل له احنا الاثنين خليه يستقوى بينا احنا بلاش نحسسه ان هو اتغير في عينينا
احمد بدموع
يا بنتي صدقيني ولا مره بصيت له بصه غير الطبيعيه ده مهما كان ابني ومهما كان شغله هيفضل في نظري زي ما كان ابني
اميره
تعال يا بابا ندخل ونحاول نتكلم معاه وان شاء الله هيتقبل مننا ونحاول على قد ما نقدر نحسن نفسيته ونكلم دكاتره بره علشان نشوف هيتعالج ازاي وفي امل ولا ما فيش
احمد بدموع
انا فعلا كلمتهم وقلت لهم على كل حاجه وهم قالوا لي النسبه 50 لان التشوهات دي مهما كان الشكل ما بيرجعش زي الاول ممكن يتغير تشوهات تتشال ده غير انه هياخد فتره طويله على يعملوا عمليه تجميل ما ينفعش بعد التشوهات على طول يتعمل التجميل لازم ياخد فتره
اميره
الفتره دي احنا لازم نشجعه ونقف جنبه لازم نحسسه ان هو مش محتاج لاي مخلوق
احمد
حاضر يا بنتي يلا بينا تعالي ندخل ويا رب يتقبل مننا
اميره بابتسامه
انا متفائله يا بابا يلا بينا
دخلوا الاثنين الغرفه وكان سليم حاطط ايديه على وشه
اميره بابتسامه
سليم حمد لله على سلامتك يا حبيبي دي فتره وهتعدي ربنا بيختبرك علشان بيحبك تعرف اللي حصل لك ده نعمة
سليم بص لها بدموع
اميره بابتسامه
نعمه لانه خلصك من ناس موجودين في حياتك عاملين بيحبوك وهم يكرهوك وبيحقدوا عليك وعاملين احبابك وهم ماشيين معاك علشان خاطر الفلوس زي نادين دي باعتك من اول موقف كان ممكن تتجوزها وتتاذي وكان ممكن تخلف منها واولادك يحصل لهم اي حاجه بسبب انها واحده غير مسؤوله ربنا بعدها عنك
سليم بدموع
يبعدها عني يشوهني هي دي النعمه اللي انت شايفاها
اميره بابتسامه
ايوه نعمه واستغفر ربنا ربنا كل حاجه بيعملها لسبب محدد وانت لازم تبقى واثق من ده نعمه لانه هيبين لك كل الناس اللي هتقف جنبك في محنتك دي وفي نفس الوقت هيبيننا هيعرفك مين حبيبك ومين اللي بيكرهك وهتتقابل مع الشخص بجد اللي هيصومك نادين مش اخرب البنات نادين طول عمري بقول عليها واحده ماديه ماشيه معاك علشان خاطر الفلوس اتخطبت لك علشان برده خاطر الفلوس وعلشان ستايلك وشكلك تتفشخر بيك قدام الناس لكن لما حاجه حصلت هتهز الصوره اللي هي بنتها قالت لك لا مش هكمل
سليم بحزن
انا مش هقدر اعيش بشكل ده انا نفسي مش متقبله الناس هتتقبلني ازاي كل الناس هتقرف مني كل الناس هتكرهني
احمد
ما تقولش كده يا سليم في ناس ربنا زرع في قلوبهم الرحمه يمكن قليلين شويه لكن موجودين وربنا مش هيسيبك كده يا ابني احنا هنعمل كل اللي علينا وربنا هيمد ايده ويشفيك كل اللي عايزه منك انك ما تزعلش على اللي راح كل اللي بيروح من ايدينا خير لينا يا ابني
اميره ابتسمت
انا بقى يا حبيبي رحت خدت لك