خلف القناع الحلقة الاولى بقلم مارلي إيهاب

كل حاجه جبتها لها حتى الذهب ما سبتلهاش اي حاجه وخساره فيها الفلوس اللي كنت بتدفعها على الاكل والشرب والخروجات بس يلا كاننا اتبرعنا بيهم
سليم بحزن
انا مش عايز حاجه يا اميره خديهم ليكي
اميره ابتسمت
هو ايه الكلام ده اخذ ايه يا مچنون
سليم
خد الذهب وخد الهدايا خديهم كلهم مش عايز حاجه تفكرني بيه
اميره
لا يا سليم الحاجه عينها عندي لكن مش هاخد حاجه وقت ما تحتاجهم تعالى خدهم
سليم بهدوء
وانا هحتاجهم في ايه هلبس شنط ولا هلبس ذهب
اميره ابتسمت
وماله يا سيدي هتديها لصاحبه نصيبها لما تيجي تخطب
سليم ضحك تريقه
ومين ان شاء الله اللي هتتخطب لواحد مشوه
اميره ابتسمت
اللي هتحبك من قلبها اللي هتحب قلبك مش شكلك هتحبك انت لشخصك مش علشان شكلك ولا فلوسك هي دي اللي هتقبل على العموم ما نتكلمش دلوقتي احنا هنسيبك ترتاح علشان الدكتور قال انك بكره ان شاء الله هتخرج من هنا
سليم
روحي انت وجوزك يا اميره وانت كمان يا بابا ما تتعبوش نفسكم اكثر من كده روحوا
اميره بابتسامه
لو ما تعبناش ليك يعني هنتعب لمين احنا هنفضل بره مش هنمشي نام انت شويه بقى وارتاح لك كم ساعه 
سليم بحزن
وهيجي منين الراحه يا اميره
اميره بابتسامه
هيجي بس انت غمض عينك ونام تحب افضل معاك
سليم
عايزك تروحي انت وجوزك انت مذنباه يا بنتي روحي بقى وانت يا بابا كفايه تعب النهارده تعالوا بكره خذوني وخلاص عشان خاطري ريحوني وامشوا
احمد
انا ما اقدرش الكلام ده
سليم
ليه يعني يا بابا هو انا هيحصل لي ايه يا جماعه بقى لكم يومين هنا في المستشفى روحهم طيب ارتاحوا ساعتين وتعالوا حرام وليد يفضل مذنب نفسه وسايب شغله علشان خاطر قاعد هنا
اميره
هو يعني كان اشتكى لك يا سليم لو ما عملش كده لاخوه هيعمل لمين يعني انت عارف كويس قوي وليد بيعتبرك زي اخوه اكثر
سليم ابتسم
وانا صدقيني بس علشان خاطر عيالكم روحوا بس شويه وابقوا تعالوا
احمد
طيب يا ابني هنريحك ونعمل لك اللي انت عايزه يلا يا اميره
اميره بابتسامه
ماشي بس كم ساعه وجايه لك خد بالك من نفسك وما تتعبش الدكاتره والممرضين على ما تاخد الدوا
احمد
ايوه يا ابني ربنا يكمل شفاك على خير
اميره
يا رب يا بابا مع السلامه يا سليم
سليم بحزن
مع السلامه
اميره واحمد خرجوا لوليد وقالوا
يلا يا امير علشان نمشي سليم مصمم نروح نرتاح شويه ونبقى نجيلك
وليد
خلاص ماشي يلا طيب يا عمي حضرتك هتاخد الهدايا دي
احمد بهدوء
لا يا وليد سليم اداهم لاميره
اميره
بابا انا قلت لك مش هقبل حاجه انا هعينهم عندي لغايه ما يحتاجوا
احمد بهدوء
اميره اخوك مش هياخدها وهو اداهم لك خلاص يبقى خديهم وحتى لو خطب لواحده ثانيه مش هتقبل تاخد بقايا اللي قبلها وحتى الذهب هتقول لك هات لي اللي انا عايزاه مش تديني اختيار اللي قبل مني
اميره بضيق
ماشي يا بابا اللي تشوفوه
احمد
ماشي يا حبيبتي يلا خدي جوزك وروحي وابقوا تعالوا الصبح بقى مش لازم تيجوا كمان كم ساعه روحوا تعالوا بكره الصبح ان شاء الله في البيت بلاش تيجوا المستشفى هو كده كده هيخرج بكره
اميره
بس يا بابا
احمد
ما فيش بس يلا روحي
اميره
حاضر
اميره خدت جوزها وركبوا عربيتهم روحوا على بيتهم وكان طول الطريق ساكتين
وليد بهدوء
صدقتي لما قلت لك انه قال لك خديهم بس بتحبي تعرضيني وخلاص
اميره
انا مش فاهمه انت يهمك في ايه اخدهم او لا وحتى لو ما كانش ينفع تقول لي خديهم
وليد
ليه يعني هو اخوك هيعمل بيهم ايه
اميره
وانت هتعمل بيهم ايه
وليد بتوتر
انا مالي انا انا بقول لك ليك انت انت