خلف القناع الجزء الثاني بقلم مارلي إيهاب
انت في الصفحة 1 من 6 صفحات
الجزء الثاني من خلف القناع
بقلم مارلي إيهاب
حياه بابتسامه قعدت
ما هو انا مش جاي هنا علشان خاطر تنام امال مين هيسليني
سليم بعصبيه
يسليكي ليه شايفاني بهلوان قدامك
حياه بتوتر من عصبيته
لا طبعا يا فندم انا ما اقصدش صدقني انا خني التعبير
سليم بعصبيه
اسمعي يا بنت انت انت من ساعه ما جيتي وانت مش تنزلي من زور ودمي كتير على قلبي تقعدي تاكلي عيش وانت ساكته وتعملي المطلوب منك من غير ولا كلمه وما تنسيش نفسك انت في الاول وفي الاخر شغاله عندي حته ممرضه يعني لو ضايقتيني ولا عملت اي حاجه خنقتني منك في اول حاجه هعملها انت اطردك بره ومش هستكفى بكده وهطردك من المستشفى كمان اللي انت فيه انت بتكلمي اسيادتك
انا طبعا بعتذر لك يا فندم بس انا ما ليش اسياد سيدي هو ربي وما ليش حد ثاني حضرتك شايف انك بمالك وفلوسك انك تقدر تعبد الناس وتعاملهم بالمعامله القاسيه بتاعه حضرتك دي
لا وانا مش هقبل بيها وانا كلامي مع استاذ احمد لما يجي وشغلكم ما يلزمنيش بعد اذنك شوفوا غيري
حياه نزلت تحت قعدت في الجنينه ټعيط اما سليم كان بيانب نفسه وبيقول
فضل اكتر من ساعه ونص يفكر ينزل يعتذر لها ولا لا وفي الاخر قال
هنزل اعتذر لها وخلاص
سليم مسك العكاز بتاعه ولبس القناع ونزل دور عليها في المطبخ وجوه الفيلا ولكن مش موجوده خرج بره في الجنينه ولقاها قاعده سرحانه
انا اسف على اللي حصل انا ما اقصدش الكلام اللي قلته ده كان في وقت عصبيه مش اكثر وانا مش متعود اتكلم مع الناس بالاسلوب اللي كلمتك فقير او غني وانت مش مضطره تسيبي الشغل
حياه بهدوء
لا انا اللي بعتذر لحضرتك يا فندم لان فعلا تخطيت حدودي على العموم انا لسه مستنيه استاذ احمد يجي لان انا هقدم استقالتي النهارده تقدروا تشوفوا ممرضه تانيه تيجي مكاني
انا اعتذرت لك يا انسه وقلت لك خلاص الموضوع انتهى
حياه بدموع
چرح الناس مش بالساهل انه يتنسي بكلمه اسف يا استاذ سليم ولا لما انت تيجي تقول لي اسف انا كده خلاص الكلام اللي انت قلته انا نسيته وهتعامل عادي
سليم بهدوء
انا عارف اني جرحتك بس صدقيني ڠصب عني ده مش في طبعي ابدا اني اذي الناس بس انا متعصب متضايق بسبب حالتي اعذريني على الاقل شوفي عايزه ايه وانا اعمله لك ايا كان هو يعني
ما فيش حاجه يا فندم عايزاها متشكره على العموم انا هفضل علشان خاطر استاذ احمد بس لو حصل اي حاجه ثاني انا مش هستنى ولا لحظه حتى
سليم بهدوء
تمام يا انسه بعد اذنك
حياه بهدوء
ما ينفعش تفضل حابس نفسك في الاوضه 24 ساعه لازم تغير جو انت بتاخد علاج كمان مرهق ما ينفعش طول الوقت تفضل نايم على السرير
سليم اتنهد بضيق
معلش كمان كم يوم اكون ارتحت بعد اذنك
حياه بهدوء
تحب اساعدك
سليم
شكرا انا هطلع زي ما نزلت
سليم طلع غرفته وحياه كانت قاعده في الجنينه زي ما هي جات اميره وقالت بابتسامه
مساء الخير يا حياه
حياه بابتسامه
مساء النور يا مدام اميره
اميره
امال سليم فين انت سايباه فوق لوحده
حياه بهدوء
هو عايز ينام اكيد مش هفضل معاه في الاوضه طول الوقت
اميره ابتسمت
معلش اصل انا
