خلف القناع الجزء الثاني بقلم مارلي إيهاب

بقلق عليه كتير وقلت اجي اطمن عليه ما شالش القناع اللي هو لابسه ده
حياه باسف
لا ابدا مصمم يمشي بيه
اميره بحزن
ربنا يعينه على ما ابتلاه حالته صعبه جدا
حياه ابتسمت
لا صعبه ولا حاجه في كتير زيه عايشين في كتير بيتعالج وهو ما شاء الله يقدر يسافر بره والعلاج هناك متطور جدا بس هو عامه التجميل بياخد وقت طويل بلاش تقولوا له الحاجات دي قدامي علشان ما يفقدش على الاقل الامل اللي عنده
اميره ابتسمت
صدقيني يا حبيبتي ما بنحبطه ولا حاجه بالعكس هو اللي بيحبطنا احنا فعلا كلمنا دكاتره بره بس قالوا لنا مش هينفع دلوقتي ومستنيين اهو في الوقت المناسب اللي يبعتوا لنا فيه ويقولوا ينفع للعمليه
حياه بهدوء
ربنا يشفيه لكم يا رب اتفضلي اطلعي له هو لسه طالع اعتقد ما لحقش ينام
اميره باستغراب
ايه ده نزل من الاوضه بتاعته
حياه بهدوء
ايوه نزل يغير جو شويه بدل كتمه الاوضه
اميره بابتسامه
طيب يا حبيبتي انا هطلع له بعد اذنك
حياه بهدوء
اتفضلي
اميره طلعت لسليم وكان قاعد ماسك التليفون بيتصفح مواقع التواصل الاجتماعي
خبطت على الباب وهو قال
تفضل
اميره دخلت ابتسامه
الله الله مزاجك عنب النهارده وماسك التليفون واتفرج على فيسبوك كمان الحال تبدل من الصبح لبليل
سليم بابتسامه
تعالي يا اميره ما قلتيش يعني انك جايه
اميره بابتسامه
انا لقيت وليد انا انا عندي شغل قلت له خلاص هروح عند بابا اطمن على سليم ولو ابوها موجوده اشوف
سليم بهدوء
وليد عامل ايه في شغله
اميره بهدوء
الحمد لله ماشي حالك
سليم بهدوء
سمعت انه اعمل مشروع لوحده ومحتاج فلوس
اميره
هو هيعمل قرض من البنك وبعدين يبقى يسدده
سليم بهدوء
هو محتاج كام يعني يا اميره
اميره باستغراب
مش عارفه بس في حدود 300 الف جنيه
سليم بهدوء
طيب خليه يبيع الذهب وياخد الفلوس اللي هتطلع له منه حوالي 250 260 الف جنيه والباقي انا هديه له وربنا يوفقه
اميره
لا طبعا استحاله هو هيعمل قرض لكن دي فلوسك وانا مش هقبل انه ياخد منها حاجه
سليم بجديه
اميره الذهب ذهبي وانا حر فيه اعمل فيه اللي انا عايزه انا بقول لك اديه له يبقى تديه له مش انت مش عايزاه يبقى تديه له ما تعرضنيش في حاجه
اميره بضيق
يا سليم افهمني انا
سليم بشده
انت ليه مش عايزه تسمعي الكلام اقول لك انا هجيب لك الناهيه خالص
سليم مسك تليفونه واتصل على وليد اللي رد
سليم ازيك دلوقتي عامل ايه
سليم بهدوء
انا الحمد لله يا وليد المهم كنت عايزك في موضوع كده
وليد بهدوء
تفضل يا سليم لو عايزني اجي لك هاجي لك
لو محتاج حاجه
سليم بهدوء
لا شكرا بقول لك انا سمعت انك محتاج فلوس للمشروع بتاعك الذهب اللي بعته مع اميره والباقي اللي محتاجه للمشروع قول لي كام وانا هديك الباقي
وليد پصدمه
ليه كده يا سليم يعني
سليم اتنهد بهدوء
انا مش محتاج الذهب ده في حاجه وبصراحه مش عايز اي حاجه من ناحيتها حتى لو هتبدلهم فلوس فاخدهم انت انا مش محتاجهم في حاجه وكبر شغلك وربنا يوفقك انا قلت لاميره بس هي اللي عنيده شويتين سيبك منها يعني
وليد بابتسامه
مش عارف اشكرك ازاي يا سليم صدقني انت عملت معايا جميله عمري ما هنساها لك ابدا
سليم بهدوء
عيب عليك ما تقولش كده انت اخويا يلا في رعايه الله مع السلامه
وليد ببتسامه
مع السلامه
اميره بضيق
ارتحت كده يا سليم
سليم بهدوء
ايوه ارتحت يا ريت انت خليك في حالك وتسكتي
ولو مش عايزه الشنط كمان بعيها او ارميها برده مش فارقه
اميره حطت ايديها على راسها دي وقالت
انا مش عارفه انت بتفكر ازاي قلت لك سيب الذهب لغايه ما تخطب واحده غيرها
سليم