خلف القناع الجزء الثاني بقلم مارلي إيهاب
بعصبيه
ما تجيبي ليش سيره الموضوع ده تاني بعد اذنك انا لا عايزه اخطب ولا عايزه اتجوز ممكن ما تجيبيش السيره دي تاني
اميره لسه هترد حاجه خبطت على الباب سليم بعصبيه
ادخل
حياه بتوتر
حضرتك ميعاد الدوا بتاعك اتفضل
حياه ادت له الدواء وقالت
هنزل احضر لحضرتك العشا عشان في علاج وراه
سليم بضيق
تمام
حياه خرجت وهي مستغربه عصبيته
انا اسفه يا سليم انا ما اقصدش ازعلك صدقني حقك عليا ما تزعلش
سليم بهدوء
انا مش زعلان يا اميره ما فيش حاجه عادي
اميره
ماشي يا سليم انا همشي دلوقتي وهبقى اجي لك وقت ثاني
سليم
تمام خدي بالك من نفسك
اميرة
حاضر انت خد بالك من نفسك و اسمع كلام الممرضه شكلها طيبة وبنت ناس
سليم بضيق
هو انا هتجوزها يا اميره انا مالي انا طيبه وبنت ناس ولا لا انا كل اللي يهمني شغلها وخلاص
انا اقصد يعني ما تعملهاش بحدة مش حاجه ثانيه
سليم بهدوء
انا مش هعملها پحده غير لما تعمل حاجه غلط في شغلها او تتصرف تصرف من دماغها من غير ما ترجع لاصحاب الشان
اميره
انت الواحد ما يعرفش يتكلم معاك كلمتين يا اخي يلا مع السلامه
سليم
سلام
اميره خرجت من الفيلا وكانت حياه خلصت العشا بتاعه طلعته الاوضه وقالت
سليم بهدوء
متشكر يا انسه حياه
حياه بهدوء
العفو بعد اذنك
سليم
اكلتي يا انسه حياه
حياه بهدوء
لا لسه لما اروح هتعشى
سليم بهدوء
طيب تعالي كلي معايا انا ما بحبش اكل لوحدي
حياه بهدوء
ازاي يا استاذ سليم طب والقناع اللي حضرتك لابسه
سليم بهدوء
عادي جبت واحد اعرف اكل وانا لابسه غير القديم اللي انت شفتني بيه
متشكره لحضرتك بس انا مش هقدر اكل لما اروح بيتي
سليم
اعتبري اعتذار عن اللي حصل الصبح
حياه
اللي حصل الصبح حصل خلاص وانا تقبلت اعتذار حضرتك
سليم
معلش طب مش عايزه تاكلي افضلي قاعده هنا في الاوضه لغايه ما والدي يجي اتكلمي معايا في اي حاجه عشان انا زهقت
حياه ابتسمت
كده انت جيت في ملعبي
حياه قعدت ببساطه على الارض سليم بص لها باستغراب
قولي بقي تحب تتكلم في اية و انا معاك
سليم ابتسم
ليه انتي عفوية اوي كدة يا انسة حياة يعني انا شايف انك بتاخدي علي الناس بسرعة
حياة بابتسامة
ده طبع فيا من صغري اجتماعية و بحب اتعامل مع الناس بطبعي اي كان بقي هيبقي كويس و حش مش فارقة
سليم بابتسامة
زي كدة لما زعقتلك عرفتي اني وحش
مش دي الحكاية انا اتعاملت بطبعي و حضرتك متقبلتش ده خلاص يعني انا مش هفرض طبعي عليك ليك حرية الاختيار تقبل او لا
سليم بابتسامة
كويس ولله الانسان العفوي ده حياته بتبقي سهلة مش بتشلي هم حاجه
حياة بابتسامة
ينفع اسألك عن حاجه وليك حرية الاختيار
سليم بابتسامة
قولي
حياة بابتسامة
هو خطيبتك مجتش تشوفك ليه انا شوفتها في المستشفي و لما جات تسال علي اوضتك زملتي سألتها انتي مين قالتلها ان هي خطيبتك بس غريبة مشوفتهاش ولا مرة من ساعة ما جيت
سليم اتنهد بحزن
علشان سبتني بعد ما اټشوهت وما بقتش اليق بيها و بقت تقرف مني و من شكلي استحالة تكمل مع واحد بالشكل ده وهي معاها حق علي فكرة انا مقدر موقفها
حياة بحزن
لا مش معاها حق دي واحدة مش بنت اصول اللي زي دي كويس ان ربنا نجدك و بعدك عنها لانها مع اي موقف كانت هتبيعك و هتسيبك يا استاذ سليم البني ادم الاصيل معدنة بيبان في الشدة و المواقف الصعبة علي الاقل لو كانت بتحبك كانت واقفت جنبك لغاية ما تعدي المرحلة دي لكن تسيبك و انت في المستشفى دي محدش علمها اي حاجه
