شقتنا الجديدة

شقتنا الجديدة 
اسمي سحر اتجوزت عن حب دام 3 سنين وبعد معاناة الشقة واختيارها وتجهيزها وشوية مشاكل بسيطة قدرنا نتجوز أنا وخالد الحالة بتاعتنا مش هقول بتاعة خالد لأنه بقى جوزي الحالة بتاعتنا كانت على قدها شوية عشان كدا سكنا في شقة متطرفة مش في وسط البلد يعني وكدا بس الحمد لله يكفيني انه بقى جوزي مش هطول عليكوا في الكلام ... في اليوم التاني من جوازنا كانت بتحصل معايا أنا شخصيا حاجات بسيطة كدا كانت لكن مكانتش طبيعية كبايه توقع من على المطبخ علبة الشاي ألاقيها مقلوبة على جمبها مع اني بكون متأكدة انها مكانتش كدا في اخر مرة حطيتها نور المطبخ الاقيه شغال الصبح مع اني بقفله قبل ما انام واقول يمكن خالد بيروح يشرب بالليل وينساه مع إني بحط مياه على الكومودينو عشان اللي يصحى بالليل لكن عادي أكيد الإنسان مش بيحس أو بيفتكر حاجه في الدقيقتين اللي صحي فيهم راح الحمام أو راح يشرب كان كل يومين تلاته تبدأ حاجة جديدة تحصل مكانتش بتحصل قبل كدا والموضوع يتطور يعني مرة كنت بحضر الغدا وخالد كان تحت بيشتري شبسي وكولا وشوية طلبات كدا وحسيت بهوا دافي جمب ودني مع إني ساعتها كنت بعيدة عن البوتاجاز وحتى لو كنت جمبه مكانتش ڼار الشعلة هتوصل لودني أساسا لكن عديتها وقلت أكيد عشان انا في المطبخ والجو حر يكون دا شئ طبيعي لكن اللي خلاني أفتح الموضوع مع خالد لما فرشت السرير بعد ما صحينا ونزل يتفرج على ماتش كورة وأنا رحت احتى لو أنا مكنتش رتبته مكانش هيبقى بالمنظر دا وساعتها قررت أحكي لخالد وأقوله على كل حاجه حتى الحاجات البسيطة هحكيلوا عليها بعد ما اتغدينا ودخلنا الأوضة نريح ساعتين لحد العصر اتكلمت معاه وحكيتله كل حاجة وهوا بيسمعني باهتمام ولما خلصت كلامي فكر شوية بتركيز كدا وقالي حاجة غريبة والله انتي متأكدة من الكلام دا ولما قلتله طبعا متأكدة قالي طب ننام دلوقتي ولما نصحى نفكر في الموضوع دا وبالفعل نمنا وباقي اليوم مشي طبيعي على غير العادة ولما سألته على العشا في الموضوع اللي اتكلمنا فيه بعد ما اتغدينا قالي موضوع ايه دا انتي أول ما ډخلتي الأوضة وحطيتي راسك على المخدة نمتي على طول من غير متسمعي مني جملة تسلم إيدك يا قلب قلبي اللي بتحبي تسمعيها على طول واضح كدا إنك كترتي في الأكل .

أول ما جوزي قالي ان الكلام دا محصلش وإني محكيتلوش حاجه بقي اتفتح لوحده من كتر الصدمة وفضلت دقيقة أو أقل متنحة وانا بحاول استوعب الموقف وهو يقولي مالك يا بنتي فيه ايه لحد ما فوقت من الذهول اللي كنت فيه ولقيت نفسي لا إراديا بقوله لالا مفيش حاجه جايز كنت بحلم.
وقتها كان مر أسبوع على جوازنا وعلى الساعه 8 وربع كدا لقيت خالد بيلبس بسرعة ونازل سألته رايح فين قالي فيه ماتش اسمه كلاسيكو فاضل عليه نص ساعة ولازم ينزل بدري كانت اللهفة والفرحة باينين عليه ومرضيتش أعكر مزاجه واقوله لا خليك معايا بخاف ومش مطمنة للشقة اللي عايشين فيها ولما سألته هتقعد قد إيه قالي بسرعة وهو بيلبس الشراب بالمقلوب مش هتأخر على الساعة 11 إن شاء الله هكون هنا.
ساعتين ونص هقعدهم لوحدي لأول مرة مدة كبيرة جدا وخصوصا لما يكون الخۏف هيلازمني أطول فترة قعدها خالد طول اسبوع