شقتنا الجديدة

اني هنفذلك أي طلب تطلبيه مهما كان اه صحيح اختياري ليكي كان بالصدفة انا لا ساكن معاكوا ولا ليا علاقة بأي حد قريب منك او بعيد عشان تطمني بس .
كمان من الحاجات الغريبة اللي قالهالي قبل ما يختفي انه مش هيظهرلي تاني الكام يوم دول لحد ما مفعول الكوبايه اللي شربتها يشتغل عندي ويبقى فعال واشوفه عادي من غير ما يحصلي زي ما حصل دلوقتي وقالي كمان انه هيزورني في الحلم بس واداني مهلة افكر فيها والاقيله حل لمشكلته دي أو انسب حل في الحلول اللي هتيجي في بالي اختفى وساب تساؤلات كتيره وراه وإجابات لأسئلة كنت بسألها لنفسي عنهم لما تيجي سيرتهم او اشوف فيلم ړعب مثلا هل هما بيحبوا ويتحبوا ويتهادوا زينا كدا ولا مخلوقات شريرة مفيش مكان للحب في قلوبها وهل فيه مراسم للزواج والجني يتجوز جنية واحده بس ولا مش لازم يكون فيه زواج وبيتناكحوا بس عشان يحافظوا على سلالتهم مش اكتر وغيرها من الاسئلة اللي هحاول أعرفلها أجوبة منه بس اما اشوف حل لمشكلته هو الأول .
في اليوم دا وتاني يوم بالي كان مشغول بالمشكلة دي وكويس انه مزارنيش في المنام لان مكانش عندي إجابة وشكلي كان هيبقى وحش قدامه وقدام نفسي بعد ما اخيب ظني فيه وانه اختارني دونا عن الستات كلها عشان اساعده لكن قبل السوم التاني ميخلص عرفت حل مناسب جدا للمشكلة بتاعته بس دا على حسب طبيعة الجنية عندهم وهل طبيعتها تشبه طباع بنات الإنس ولا لا كنت مستنياه في الحلم عشان اقوله على الحل لكن مجاش غير في اليوم الخامس واضح انه حب يديني راحتي زيادة عن اللزوم عشان الاقيله حل مناسب لكن مكنتش عارفه لما جالي كان في الحلم ولا في الحقيقة وهو بيستغفلني كنت بتفرح على التليفزيون وفجأة حسيت ان جفوني تقلوا والنوم ھجم عليا مش عارفه منين وقجأة شةفته قدامي في هيئة خالد صحيح نسيت اقولكوا انه اتفق معايا لما يظهرلي في هيئة خالد هيكون شعره ابيض عشان اعرف افرق بينهم بسهوله المهم لقيته واقف قدامي والحزن والتعاسة باينين على ملامحه وكل شويه يبص حواليه في كل الإتجاهات مش عارفة ليه يس مسألتوش لأن هو اللي بدأ بالسؤال وقالي ها لقيتي حل 
قلتله اه بس قولي الأول هل الجنيات عندكوا بيحسوا بالغيرة والضعف في إوقات معينه كثلا وبيبان عليهم زينا وكدا ولا لا قالي بسرعه اه اه هما يشبهوكوا في كل حاجه ما عدا حاجات بسيطة لا تذكر بس ليه يعني السؤال دا 
قلتله خلاص سهله اهي مش انت قلتلي بتحب واحد بتحب واحد بيحب واحده بتحبك خلاص انت اول حاجه تعملها انك تروح تتفق مع الجني دا على لعبة صغيرة كدا تعملها سوا بحيث ان كل واحد منكوا يقرب من اللي بيحبها ويبعد عن اللي بتحبه ويضرب عصفورتين بحجر قصدي جنيتين .
ملامحه اتغيرت وظهر الإهتمام والتركيز عليها اكتر من الاول وقعد قدامي بعد نا كان واقف وقالي ازاي قلتله بص انتوا الاتنين تتفقوا ان كل واحد فيكوا يقابل الجنيه اللي بتحبه في نفس الوقت يعني الوقت اللي انت هتقابل فيه الجنيه اللي بتحبك يكون هو بيقابل فيه الجنيه اللي بتحبها فاهمني هز راسه بالإيجاب وانا كملت كل واحد فيكوا يقول انه نقدر حبها ليه بس هو معجب بواحده تانيه واني مش هقدر اسعدك مع كام كلمه