العصيان الجزء الاول و الثاني حصريآ علي موقع ايام نيوز بقلم أسامة محمد الهواري

.....العصيان
البارت الاول
......
في منزل بسيط يتكون من آلام و بنات 
هند الابنة الكبرى وتدرس في السنة النهائية في كلية الهندسة .
سلمي الابنة الوسطي وتدرس في الفرقة الثانية في الجامعة بتدرس في كلية الآداب.
سماح الابنة الصغرى وتدرس في الصف الأول الثانوي.....
الام بتخرج كل يوم الصبح بدري وترجع بعد اذان المغرب وهي المعيلة الوحيدة لبناتها بعد ما والدهم سابهم من 10 سنين وميعرفوش عنه اي حاجة وهو كمان محاولش أنه يتواصل معاهم هو أو حتي اي حد من اهله الست امهم كانت مسخرة كل حياتها عشان خاطر بناتها وكانوا شغلها الشاغل وكان اللي مصبرها علي كل ده أنها بتشوفهم يوم بعد يوم احسن من اليوم اللي قبلهوكانت بتبقي فخورة جدا وهي بتحكي للناس عن بناتها وأنها فرحانة أنها قدرت تدخلهم الجامعة بتحكي وعيونها بتلمع من الفرحة .

امهم كانت بتعمل كل ده واكتر من كدة كمان ومكانتش مستنية مقابل كان كل همها أنها تشوف بناتها احسن حد في الدنيا بغض النظر هتتعب اد ايه المهم بناتها وبس 
.......
.......
داخل الجامعة بتيجي رسالة ع الواتس الخاص برقم هند فبتفتح الرسايل تلاقي صور لوالدتها وهي بتمسح سلالم عمارة ما وتصيبها حالة من الذهول لأن والدتها كانت مفهماهم أنها بتشتغل إدارية في مدرسة خاصة بتتصل هند علي الرقم اللي بعتلها الرسالة
.
هند انت جبت الصور دي من فين!
المرسل جبتها من مكان ما جبتها يا بنت الخدامة
هند احترم نفسك.
المرسل هههههههه لاء حلوة احترم نفسك دي مش كنتي تقوليها للست والدتك اللي دايرة تشتغل خدامة في البيوت.
هند انت انسان واطي وقليل الأدب.
المرسل الله يسامحك يا باش مهندسة ده انا كنت حتي جايب شغلانة للست الوالدة اصل الشغالة يا ستي نزلت إجازة كام يوم وانتي عارفة أزمة الشغالين اليومين دول في البلد فلو تشوفيلنا الست والدتك تيجي البيت اليومين دول تنضفوا وتروقوا وهي برضه أولي من الغريب ومټخافيش انا هكرمها وبالمرة في كام هدمة مع اختي ضاقوا عليها ممكن ابعتهملك معاها هيجوا علي مقاسك ههههههههههه .
هند انت جبت الصور دي منين بقولك.!
المرسل الصور دي يا حلوة انا هحتفظ بيها.
لنفسي تذكار عشان اعرف اكسرك بيها وبالمرة تبقي تحرمي تقولي أن والدتك ناظرة مدرسة.
هند انت اكيد مفبرك الصور دي.!!
المرسل خلاص ابعت الصور لباقي زمايلنا وهما بقا يقرروا هل الصور دي متفبركة ولا حقيقة.
هند لا لا ارجوك متعملش كدة ولا تبعت حاجة لحد وقول من الاخر انت عايز اي.!
المرسل اهه كدة عين العقل وهو ده الكلام.
المظبوط أما اللي عايزه بقا فأنا هقولك عليه
بعدين ودلوقتي سلام ومتنسيش تسلميلي على الست الخدامة قصدي ناظرة المدرسة ههههههههههه
علا صاحبة هند مالك يا هند في اي!!
هند مافيش حاجه.
علا اومال مين اللي كان بيكلمك دلوقتي وخلاكي متعصبة كدة وحاجات اي