العصيان الجزء الاول و الثاني حصريآ علي موقع ايام نيوز بقلم أسامة محمد الهواري

إللي مايبعتهاش!!
هند قلتلك مافيش حاجه مافيش حاجه.
علا يا بنتي قوليلي يمكن اقدر اساعدك!
هند بعدين بعدين هعرفك كل حاجة بعدين.
علا خلاص روقي بس وكل حاجة هتتحل ويلاا بقا عشان ميعاد المحاضرة.
هند لا معليش احضريها انتي وانا هبقي اخدها منك
علا طيب وانتي رايحه فين ده انتي عمرك ما عملتيها وفوتي محاضرة.
هند انا مصدعة شوية ولازم ارجع البيت حالا دلوقتي.
علا ده واضح إن الموضوع كبير أوي
هند انا همشي دلوقتي واشوفك بكرة سلام.
علا سلام
............
ومشيت هند من الجامعة ورجعت ع البيت وكانت في قمة العصبية واول حد قابلته كانت اختها سلمي 
هند امك فين يا سلمي..
سلمي مانتي عارفة أمي خرجت من اول اليوم ولسة ما رجعتش لحد دلوقتي هو حصل حاجة 
هند حصل حاجة قولي حصل حاجات يا هانم..
سلمي حصل اي بس ما تقولي وقعتي قلبي!
هند امك يا ست هانم.
سلمي ما تخلصي تقولي مالها ماما!
هند امك بتشتغل خدامة في البيوت.
سلمي انتي بتقولي اي!!
هند بقول اللي سمعتيه.
سلمي مستحيل يكون اللي بتقول ده حقيقة مستحيل ماما لا يمكن تعمل كدة ابدا..
هند هه لما تيجي ابقي اساليها.
سماح اختهم الصغيرة اي إللي أنا سمعته ده!
سلمي مافيش حاجه يا حبيبتي ده بس هند .
هند مالها هند ماهي كمان لازم تعرف أن الست امها اللي مفهمانا أنها بتشتغل إدارية في مدرسة خاصة طلعت بتشتغل خدامة في البيوت وكمان بتمسح سلالم.
سماح الكلام اللي بتقوليه ده كدب كدب
هند هتشرف الست هانم والدتكم وابقوا اعرفوا كدب ولا حقيقة.
سلمي ليه يا ماما بس تعملي كدة!!
..........
جرس الباب بيرن وبتجري سماح تفتح الباب
سماح حمد لله على السلامه يا ماما كنتي فين وليه أتاخرتي كل ده.
الست والدتهم معليش يا حبايبي اليوم النهاردة كان طويل تعالوا بقا أما جبتلكم معايا شوية اكل هتاكلوا صوابعكم وراها وكمان جبتلكم معايا البسبوسة اللي بتحبوها.
هند باستهزاء والأكل ده بقي من المطعم ولا بواقي سفرة!.
سلمي اسكتي بقا يا هند كفاية كدة ماما قوليلي صحيح اللي قالته هند ده.
الست والدتهم هو اي يا بنتي اللي قالته هند!
سلمي انك بتشتغلي خدامة في البيوت.
الست والدتهم مين اللي قالكم الكلام الفارغ ده.
هند الكلام فارغ مقلناش حاجة طيب والصور دي وانتي بتمسحي سلالم العمارة اللي بتشتغلي فيها برضه كلام فارغ.
سلمي ماما اتكلمي يا ماما وقولي أن ده محصلش.
سماح ايوا يا ماما قولي أنه محصلش.
هند ما تقولي يا ست يا إدارية أنه محصلش ولا تكونش دي مدرسة مش عمارة وانتي بتمسحي سلالم المدرسة محبة.
سلمي اسكتي بقا يا هند حرام عليكي ماتتكلمي بقا يا ماما .
الست والدتهم لا يا بنتي مش كدب.
سلمي يعني انتي فعلا بتشتغلي خدامة في البيوت.
الست والدتهم ايوا يا بنتي بشتغل خدامة في البيوت.
سلمي ليه يا ماما ليه تعملي فينا كدة!
الست والدتهم يعني دي جزاتي اللي مبهدلة