حقيقة اغرب من الخيال

اللى قصاد بيتى
مكنتش عايز ادخل البيت مكنتش عايز ارجع للماضى تانى لقيت زميلى اسامه حد ايده على كتفى و بيقول 
هو ده البيت يا سيدى و مش هتتخيل التأجير بكام
بكام يا اسامه
200 جنيه فى الشهر
بجد و اخده من مين
من راجل طيب اسمه عم خليل
ساعتها قلبى ۏجع و اعصابى باظت خالص كنت بتلجلج فى الكلام و قولت 
من مين يا اسامه
من عم خليل فى حاجه ولا ايه يا عماد
لا مفيش حاجه
مكنتش حابب اتكلم و لا حابب اعرفهم عن البيت ده و مين عم خليل اللى اتوفى من زمان اصلا و ازاى بيقول انه واخده من عم خليل حبيت اكتم كل حاجه جوايا مش عارف ليه يمكن عشان خاېف
بدأنا نحط المكن فى البيت وكنت اول مره اخش البيت من اخر مره دخلتها من وانا صغير كنت فاكر كل حاجه بتفاصيل مش ناسى الكوره و الكائن اللى كان موجود
لقيت زميلى اسامه بيقولنا 
هاا يا شباب جاهزين
رديت عليه وقولتله جاهزين ايه احنا هنشتغل دلوقتى
ايوه يا عم عماد اومال احنا جايين ليه عشان ننزل المكن و نمشى عاوزين نعمل شويه شغل قبل ما نشمى و بعدين انت بيتك اهو مش هتغرم حاجه
ماشى يا اسامه اللى انت شايفه
اشتغلنا شويه على المكن و طبيعى صوت المكن عالى 
وخلصنا شغل و قفلنا المكان و بمجرد قفلنا المكان لقيت نفسى ارتحت شويه و كل واحد فينا روح على بيته
دخلت بيتى وانا متوتر ازاى اخد البيت من عم خليل و هو مېت اصلا كنت مړعوپ و خاېف اوى مكنتش عارف انام ابدا و كنت بفكر كتير لغايه ما الساعه وصلت 3
قطع تفكيرى صوت ايوه ده صوت المكنه كنت مړعوپ و متوتر قومت ببطئ ابص من طرف الشباك لقيت 
نور الاوضه منور و صوت المكنه شغال بس لقيت خيال شخص واقف ثابت مبيعملش حاجه غير انه باصص عليا ايوه باصص نحيتى
قفلت الشباك و دخلت على السرير و نزلت تحت البطانيه كنت خاېف زى العيل الصغير كنت مړعوپ 
بس لقيت نفسى نمت ايوه نمت من تعبى و تعب تفكيرى صحيت على صوت زمايلى بينادو عليا تحت
طلعتلهم و استغربت انهم جم بدرى
ايه مش هتنزلنا يا عماد
لا نازل اهو
كنت بلبس هدومى و مكنتش ناسى الليله بتاعه امبارح 
بصيت على البيت تانى مكانش فيه حاجه
نزلت لزمايلى و سلمت عليهم و بدأنا شغلنا عادى 
يوم فى التانى فى التالت مكانش فى حاجه غريبه الصراحه بس اليوم الرابع لا كان فيه و حصلت حاجه مكنتش متخيلها مكنتش هتيجى فى بالى
فى وسط واحنا شغالين فى البيت لقينا زميلنا اسامه بيقولنا 
استأذنكم يا شباب داخل الحمام
بصتلو بصه اكنى بقوله بلاش