حقيقة اغرب من الخيال

انتو التلاته هناك بس
حضرتك مش اسامه ساب الشغل
لا ده اسامه بقالو كام يوم كان بيدورلى على مكان هناك لغايه ما لقى مكانش سايب الشغل ولا حاجه
طيب تمام حضرتك اللى انتو شايفو
تمام يا عماد هو زمان اسامه وصل هتحملو المكن و هياخدك انت و ممدوح و تروحو على هناك وصح نسيت اقولك هتشتغلو فى فتره صباحيه مش مسائيه
تمام حضرتك 
و ده اللى كنت خاېف منه انى هشتغل فى النهار طالع من مكتب المدير كنت متوتر جدا و كنت خاېف اوى يارب ميكونش اللى فى بالى بمجرد بفتكر البيت بفتكر الذكريات افتكرت حاجه وانا صغير لما دخلت البيت ده
جزء من ذكريات الماضى 
بص يا عماد يابنى انا هديك الكوره بس اوعدنى انك مش هتقرب من البيت ده
حاضر يا ماما اوعدك
يلا روح العب مع صحابك و متقربش من البيت ده
حاضر يا ماما
مكنتش فاهم ايه حكايه البيت ده و كنت صغير ساعتها مكنتش مهتم ابدا بالبيت 
روحت لعبت مع صحابى و فى وسط كنا بنلعب
شوط الكوره جامد لقتها دخلت البيت 
لقيت زمايلى بيقولى روح جيبها يا عماد انت اللى شوط الكوره
لقيت نفسى رايح للبيت عشان اجيب الكوره بس افتكرت كلام امى عن البيت ده بصراحه مهتمتش بكلامها دخلت البيت ملقتش الكوره كنت بدور يمين شمال مش لاقيها 
طلعت الدور الاول عشان ادور عليها فوق لقيت شقه مفتوحه قولت هلاقيها جوه دخلت الشقه كانت ظلام 
مكنتش شايف ايدى حتى بس لقيت الكوره فى وسط الظلام ده ازاى معرفش بس ملقتش الكوره لوحدها 
لقيت كائن قاعد على الارض مربع كان باين فى وسط الظلام كائن مشعر عنيه حمرا كانت منوره طوافره كبيره مخيفه و فى وسطه الكوره
مكنتش قادر اتحرك دقات قلبى بتعلى عايز اصړخ مش قادر لقيته قام من مكانه و مسك الكوره و كان بيشاورلى انى اجيله بس انا هربت جرييت و انا بعيط كنت ھموت من الخۏف جرييت على امى و انا بعيط
سامحينى يا ماما سامحينى يا ماما
مسمعتش كلامى باردو يا عماد يبنى المكان ده اخر حاجه تفكر تروحلها فى حياتك
ده اخر حاجه فاكرها من كلام امى قطع تفكيرى زميلى ممدوح و بيقولى 
ايه يا عم سرحان فى ايه
لا لا مفيش حاجه انا كويس
طيب يلا بينا نحمل المكن و نروح على المكان الجديد
اه اه ايوه
مالك يا عماد فى حاجه شكلك مش مظبوط
لا انا كويس يلا بينا
يلا بينا
اتحركنا و حملنا المكن و روحنا احنا التلاته و انا فى الطريق كنت متوتر و كل ما بنقرب كل ما دقات قلبى بتعلى لغايه ما وصلنا واللى حسبته لقيته
ايوه هو المخزن الجديد هو البيت