اغرب من الخيال قصة جديدة

زوجتي ال معايا في الاوضة دلوقتي دي مش زوجتي..! متستغربش انا واثق كويس من ال بقوله!.. اليوم اصلا النهاردة لوحده كله احداث مخلياني مش قادر أمسك جسمي من الأرتعاش بص .. حاول تفهم كويس ال هقوله ليك وصدقني انا مش هخبي عليك اي حاجة انا عايش بقالي ٧ شهور في ړعب تام .. صړاخ همسات مش مفهومة خطوات مبتظهرش في الصالة غير بليل انوار بتطفي وحاجات كتير بتتكسر بس كل ده عادي .. كل ده كنت بعدي او بحاول اعدي بس ال مش قادر عليه هو حالة مريم .. مريم ال بقيت من سيء لأسواء ..

اليوم بدأ النهاردة صعب جدا صړاخ الجيران صحاني من الفجر .. الشيخ يعقوب اټوفي! .. صعقټ من الخبر مش بس عشان الشيخ يعقوب معروف بسمعته الطبيبة وعلاجه للمس الشيطاني لا .. انا صعقټ عشان ال حصل قبلها بليلة! ..
عايز تعرف .. هحكيلك ! ..
مريم زوجتي من صغرها وعندها أحداث غريبة في حياتها لو حولت احكيها كلها ف الوقت مش هيسعفني .. وكل الأحداث عرفتها من ٤ شهور بس يعني بعد ماتجوزتها ب ٣ شهور .. انا اتجوزت مريم صالونات وهبقي كداب جدا لو قولتلك اني مكنتش عارف بعض من الجانب المظلم في حياتها من المعارف والاقارب يعني مثلا .. انها كان بيجلها صرع وهي صغيرة .. بتدخل في حالات نوم مفرط بس كل ده انتهي! .. او علي الاقل كنت ده ال اظنه! .. منكرش بردو انها كانت رافضة فكرة الزواج نهائي وبغض النظر عن كل ده .. انا مجرد ماشوفتها وقعت في غرامها!! .ولما اتعرفت عليها ذادت اكتر مشاعري ناحيتها ..
ومعترف بكامل ارادتي اني انا ال اتحايلت عليها انها تتزوجني.. وبضغط كمان من معارفي علي اهلها في النهاية اقتنعت .. عايز الحقيقة .. في يوم قعد معايا ابن عمها وقالي ..
مريم مش هتنفعك ..
ليه بتقول كده ..
انا مريم متربية معايا ومهما اوصفلك ال كنت بشوفه زمان منها قبل متتعالج مش هتصدق
تتعالج.. تتعالج من ايه 
مريم كان معمول ليها سحر واتفك .. انا عارف ان وضعها بقي احسن كتير بس صدقني مش هتنفعك...
ودعته ومشيت وقررت اني اتحقق في الأمر ده!! .. وال عرفته ان ابن عمها اتقدم ليها ٥ مرات وهي رفضته!! .. فتلقائي ترجمت انه بيغير عليها وعايز الجوازة تبوظ ..
خليني اسرع الأحداث معاك شوية.. لاني دلوقتي في وضع حرج خطبت مريم ٤ شهور كانوا احلي فترة في حياتي مكنش في اي بوادر تخليني حتي اشك ان مريم فيها اي شيء لحد ليلة الډخلة .. اليوم ال اتقفل علينا انا وهي باب واحد .. ايوه .. المفروض انه احسن يوم