الخۏف الجزء الثاني.. حصريا لموقع ايام فقط.. بقلم محمد ابراهيم

هنا يا دكتور شاهين .. لازم.
كل حاجة وضحتلي لكن متأخر تماما ..
اللي عايز أقوله إن من ساعت الموقف دا وأنا راقد على السرير مش قادر أتحرك ..
فضلت شهر ملزم بالسرير.. جابولي كرسي متحرك.. كل ليل كان بيعدي عليا .. بشوف اللي إسمها ريفال دي بتظهرلي بشعرها المنكوش والقطط حواليها كأنهم بيحموها والكلب الإسود كمان .. و جسم إسود لازق ف بطنها !! .. منظره مرعب وأبشع منها .. جسم إسود صغير جلده بيقع ممزوج بدم إسود !
بتقرب عليا و هي بتتكلم بصوت غليظ وبلغة مش مفهومة !!
ريحتها مقرفة.. أسنانها بتصطك أو بتخبط ف بعض وبتخرج صوت مرعب..
لحد ما ف يوم لقيت وش أبشع منها بتقرب عليا وبتقعد على طرف سريري..
لابسة قلادة طويلة بين رقابتها وفستان سكري وكفوف صغيرة مطبوعة على الفستان !! 
أيوه هي اللي شوفتها ف الشباك.. أيوة اللي رجب حكالي عنها وإنها أخت ريفال !
يتبع