ضد مجهول

چريمة غريبة جدا تفاصيلها مرعبة!.
بصراحة هي مش مجرد قصة ولا تجربة حصلت فعلا وفيها أكتر من شاهد.. المأساة اللي حصلت واللي هتكلم عنها دلوقتي دي مش لاقي كلام يتقال عليها غير إننا قدام لغز.. لغز كبير جدا.. ولحد وقتنا دا ماتحلش.. وأظن إنه مش هايتحل لو فضل الوضع كما هو عليه.
يلا بينا نعرف اللي حصل ل سيد الصردي
الحكاية بدأت وحصلت في محافظة 
الغربية .. مركز قطور.
الساعة كانت بتقرب على 7 صباحا من يوم جديد على أهل قرية أبو شنب الشين.
اليوم إللي هايبقى ليه ذكرى صعبة أوي هاتتخلد ف أذهانهم..

توك توك بيقرب على حتة أرض واسعة في مقدمتها عشة 5 متر ف 5 متر عبارة عن شبك مخروم داير مايدور واقفة على مواسير وسقف العشة متقفل بخوص .
بينزل من التوكتوك شاب لابس جلابية كحلي وبيقرب للعشة.. بص على مكان معين ولما مالقاش حد قاعد قرر يدخل العشة.. وهنا كانت الصاعقة إللي نزلت فوق دماغه وما كان عليه إلا إنه ېصرخ ويزعق بأعلى صوت ممكن.. ف أقل من دقيقة كانوا أهل البلد متجمعين حواليه.. الكل بيضرب كف على كف.. فيهم إللي ماستحملش ودخل في نوبة بكاء.. وفي إللي تنح وماقدرش يتحرك ولا يتكلم.. وفي إللي بيقول بنبرة حزن ممزوجة بعدم إستيعاب 
_ لازم نكلم الحچ عز بسرعة .. بس يا أخوانا هانقوله إيه .. لا حول ولا قوة إلا بالله .
واحد رد عليه بنفس الحالة إللي فيها الشخص الأول 
_ مانجبهالوش قفش .. إحنا نقوله إننا لقيناه مغمى عليه وخلاص .. ربنا يصبره .
وبالفعل واحد منهم كلمه وقاله زاي ما أتفقوا مع بعض .. طبعا الأب جيه جري لإن أبنه الوحيد ماكنش موجود ف البيت ومش من عادته .. فا طبيعي يروح جري لما واحد من أهل قريته يتصل بيه ويقوله إن أبنك موجود ف العشة مغمى عليه وإن أظاهر حد ضربه .
وصل الأب إللي إسمه عز للعشة .. شاف تجمع هائل من كل أهل القرية .. الكل بيبصله بنظرة شفقة وإتقسمت النظرات