من عالم اخر

قبل ما اقول أي حاجة محتاجة اعرف منك رد لسؤال مهم.. 
لو حكيتلك هتصدقني.
في حاجة ماعرفتش احكيها لحد
لأني انا نفسي لسه مش مستوعباها وغير كده مش متأكدة لو حكيت فيه حد هيصدقني ولا لأ..
انا من صغري بشوف احلام كتير بشكل غير طبيعي ممكن اشوف الحلم اكتر من ليلة كل مرة بتفاصيل جديدة!.
ساعات ابتدي احلم بمجرد ما اغمض عيني قبل حتى ما حتى استغرق في النوم 
ساعات الموضوع ده يقل وساعات يزيد بشكل مخيف.
بشوفني بتنقل في عوالم اخرى وحقيقة مش مجرد خيال
ساعات لما اخاڤ واټرعب جوة الحلم الاقي حاجة تطمني وكأن صوت من عقلي بيعرفني اني في حلم واني مجرد ما اصحى هلاقي نفسي في سريري من فترة قصيرة حصل حاجة اول مرة تحصلي صحيت من الحلم لقيت نفسي لسه مارجعتش لجسمي!!.

كنت بمجرد ما اصحى احرك صوابعي عشان احس بجسمي وزي ما تقول بتأكد اني صحيت واستعدت وعيي يوميها ماعرفتش احرك لا ايدي ولا صوابعي ولا حتى أرمش!.
واكتشفت ان لثواني جسمي منفصل عن روحي
مش عارفة ازاي اشرحها بس ده اللي حصل انا قريت عن الاسقاط النجمي وان الانسان يقدر ينفصل عن جسمه 
ومتأكدة اني لو حاولت اعملها هاعرف لكن مافكرتش ولا اتجرأت
اظن قولتلك قبل كده اني بعمل تخاطر دون قصد.. 
يعني بمجرد ما افكر في شخص الاقيه باعتلي مسدج مثلا او اشوفه بعدها بمافيش..
ومش صدفة لان الصدفة بتحصل مرة مرتين مش عشرين ولا تلاتين!.
او اني احلم بشخص ماشفتوش لسنين الاقيه تاني يوم قدامي هحكي بدون ترتيب عن اللي بيبين صدق كلامي.. 
والأهم تصدقوني لأني وبرغم الغرابة اللي هتقرأوها إلا اني والله صادقة في كل كلمة هقولها..
انا في مرة كنت في فرح عائلي ولفت نظري واحدة اول مرة اشوفها في حياتي بس قعدت مركزة معاها وحسيت اني اعرفها مش عارفة ليه!.
مافيش يومين جالي طلب على الفيس بوك من واحدة اتعرفت عليها في جروب 
كلمة هنا كلمة هناك اكتشفت انها هي اللي شوفتها وقعدت مركزة معاها!.
الكلام ده من ١٠ سنين او اكتر يعني قبل ما الفيس بوك يخترع موضوع