من عالم اخر
اقتراحات الاصدقاء ده.
ده موقف موقف تاني حصل لجارتي..
من حوالي ٩ سنين سكنت في بيت جديد
بعد ايام جاتلي جارتي اللي قصادي ومعاها بنتها متجوزة بنتها صغيرة وحلوة ويبان عليها انها عايشة مبسوطة ماديا
اول ماشفت البنت اللي كان اسمها بسمة
فجأة سرحت وكأني غوصت في ذكرى او مشهد كده زي ما يكون بتفرج على فيلم
تفاصيل تانية ملهاش لزمة المهم اني شوفتها مطلقة بسبب خېانة زوجية..
بعدين عرفت ان بسمة عندها بنتين
ومتجوزة عن حب وجوزها طاير بيها وان مافيش اي حاجة تدل ان فيه مشاكل في حياتها بحكم اني خالطت جارتي المهم بقى ان بسمة بعد حوالي تلات سنين اتطلقت!!..
جوزها رجع من الشغل لقى معاها واحد ومن صډمته منطقش وطلقها واداها كل حقوقها في المحكمة حفاظا على سمعة بناته عرفت ازاي كل ده.
ببساطة لأنه بعدها بسنة وشهور اتجوز بنت عمي!.. رغم انه مافيش ولا اي صلة ولا سابق معرفة أصلا..
وهي الي حكت لي على اللي هو عمله مع بسمة مراته الاولى وعرفتني قصة الخېانة!.
موضوع مرعب مش كده.
عارفه ده كويس ومتأكدة وصدقوني أنا اوقات كتير بخاف من نفسي وعلى نفسي برضه..
نرجع تاني للحكايات اللي ملهاش تفسير..
السبت اللي فات كنت في المستشفى بقيس الضغط
دخلت واحدة المستشفى وجت سلمت عليا ماشوفتهاش من اكتر من ١٤ سنة هي جارتنا وساكنة جنب بيت اهلي مش دي المشكلة.. عادي الحمدلله معارفي كتير.. المرعب هنا اني قبلها بيوم كنت بتكلم عنها وافتكرت ان هي اللي حطتلي الحنة وانا عروسة.. وحلمت بيها كمان!
هي اصلا مش ساكنة في المنطقة دي هي جت زيارة لبيت اخوها وللصدفة حست بمغص وجت المستشفى وهناك تقابلنا!.
مرة في سنة ٢٠١٤
صحيت مڤزوعة كأن عندي ضيق تنفس بنهج ومش عارفه اخد نفسي
وده بسبب اني شوفت كابوس
شوفت اني مريضة ودخلوني العمليات وقالولي ان عندي
