فرح اخويا مصطفي

لقيتني في البيت .. وجنب مني ماما نايمة على نفس السرير إللي لقيتني نايمة عليه .
فتحنا عنينا في نفس الوقت .. لقيت بابا بيجري علينا وهو بيحمد ربنا .. وشخص تاني لابس جلابيا وعلى وشة إبتسامة مريحة .
تعرفوا إننا فضلنا يومين في غيبوبة !! .. وبرغم كدا الشيخ قال لبابا بلاش المستشفى وهم هيفوقوا .
وفضل الشيخ يجيلنا كل يوم يقرأ علينا قرآن بالساعات ويمشي وييجي تاني يوم وهكذا .
الشيخ قالنا 
_ في حد كان عامل لمصطفى عمل وكان حطه جوة مشروب .. بس لحسن حظه إن الكوباية إتدلقت عليه ومشربش العصير .. وإنتي ومامتك إللي شربتوا العصير والعمل أصابكوا إنتوا .. وأعذروني مش هقول مين إللي عمل العمل .. بس إللي قولته لأستاذ حسن إن اللي عمل العمل واحدة ست وقريبة منكم جدا .. مش مهم مين .. المهم حمدالله على سلامتكم .
ومشي الشيخ .. سألت بابا عن اللي حصل خلال اليومين اللي فاتوا قالي إن بعد ما سمعني پصرخ في الحمام .. لقى ماما وقعت من طولها في المطبخ .. في نفس اللحظة إللي وقعت فيها أنا جوة الحمام .. كسر الباب لقاني واقعة .
كلم الشيخ سمير صاحبه وقالي إننا من وقت ما بدأ الشيخ يقرأ قرآن وإحنا بنتكلم بصوت غير صوتنا .. كان صوت الجن .. وعرف الشيخ منه كل حاجة بعد ضغط كتير منه .
بعد ما فوقنا والشيخ وصانا بالصلاة والأذكار .. بصراحة كنت بلاقي صعوبة في إني أتوضى ولما باجي أصلي كنت بسرح .
إستحملت ومع الوقت الحمدلله رجعنا زاي الأول وأفضل .. وعرفنا مين إللي عملت العمل .. للأسف كانت خالتي أخت أمي .. وكل دا علشان مصطفى مارضاش يتجوز بنتها .
بعد ما عرفنا وإتأكدنا واجهناها .. وصدمتنا بإنها ما أنكرتش .. من وقتها مبقناش نكلمها .. وعرفنا من يومين إن جوزها طلقها بسبب أعمال السحر إللي هي بتعملها .. كل إللي أقدر أقوله ..إن ربنا يسامحها ويهديها علشان أولادها .
تمت .