فرح اخويا مصطفي

حسيت إني مش قادرة أتنفس .. قمت من على السرير وجريت على باب أوضتي فتحته وخرجت برة .. لقيت ماما صاحية .. جريت في حضنها وحكيتلها على إللي شوفته .
الغريب بقى إنها شافت نفس إللي شوفته بالظبط .. وإنها برضه قلقانه على مصطفى .. وشامه برضه نفس الريحة .
بدأت أقلق .. وبعد اليوم ده بقينا بنتعذب أنا وماما حرفيا .. بقينا بنشوف الكيان إللي شبه الأفعى دا كل يوم بالليل .. بيجيلنا وبيعمل نفس إللي بيعمله .. وفي يوم إتحبست جوة الحمام .. فضلت أصرخ وأصرخ بأعلى صوتي لحد ما فقدت السيطرة على نفسي وأعصابي وأغمى عليا .. كل إللي فاكراه وسط السواد إللي في عيني .. إني سامعه صوت حد بيزن أو إنه پيتألم مش عارفه .
الصوت مش عارفه أوصفه .. بس إللي أقدر أقوله إني كنت محپوسة جوة الصوت دا .. وإتضحلي متأخر إن الصوت دا بيخرج مني أنا .
عارف إنت إحساس إنك عارف إن أنت بتتكلم بس مش قادر تتحكم في نفسك .. شعور غريب ومقبض أوي كنت حاسه بيه .
كنت سامعه صوت قرآن بصوت جميل جدا .. لكن الصوت جاي من بعيييييييييد .. وكل ما أركز فيه ألاقيه بيتلاشى خالص وثواني وبرجع أسمعه تاني .
في الوقت إللي بقيت بسمع فيه قرآن .. كنت بشوف عيون حمرا كتيرة جدا محوطاني .. وجسمي بيألمني جدا .. كأن في حد جايب عصاية وعمال يضرب في كل جزء في جسمي .
_ علياء .. سمعاني يا علياء .. طيب لو سمعاني إرفعي دراعك اليمين .
مش عارفه أميز مين صاحب الصوت دا .. لكني سمعته بوضوح .. حاولت أرفع إيدي لكن حسيت إني مشلۏلة .. حاولت بكل قوة لكن مقدرتش .
ورجعت سمعت الصوت مرة تانية .. كنت بتكلم لكن مش سامعه صوتي .. عايزة أقول مش عارفه أرفع إيدي .. عايزة أستغيث .
وبكل قوة حسيت بضړبة قوية على راسي .. وحسيت پالدم إللي بينزل مني .. غمضت عيني .. بعد وقت فتحتها..