فرح اخويا مصطفي

من حوالي شهر كان فرح أخويا مصطفى .. طبعا فضلت أرقص وأتنطط لحد ما جبت أخري .. خصوصا إنه أخويا الوحيد وفرحته فرحتي وأكتر .
المهم الحمدلله الفرح خلص على خير وكان يوم جميل أوي .. من فرط التعب دخلت أوضتي علشان أنام .. ومن التعب نمت بالفستان ملحقتش أغيره .
رغم التعب إلا إني بدأت أقلق فجأة .. مكنتش عارفه الساعة كام .. الأوضة مضلمة ومش شايفه حاجة خالص .. لما دققت النظر وأنا بين النوم والصحيان .. إكتشفت إن النور قاطع .

رجعت أنام تاني .. دقايق وحلمت إن في عيون حمرا بتظهر وتختفي وسط الضلمة .. وكيان بيزحف وبيقرب عليا وبالتحديد عند كتفي الشمال ! .
أ أنا بحلم مش صاحية .. بس أقسم بالله حسيت بكدا وكأني واعية وإن اللي بيحصل دا بيحصل في الحقيقة !
وإللي حصل إن الكيان الغريب دا بېلمس إيدي الشمال وبيسحبني من صوابعي وهو حاطط إيده التانية عند بطني .
دقيقة بس للتوضيح .. دا مش الجاثوم .. أنا عارفه أعراض الجاثوم كويس جدا .. لأ أنا كأني واعية وشايفه عيون حمرا وجسم زاي الأفعى بالظبط جنب كتفي الشمال وبتسحب من إيدي الشمال !
وأنا حاسه بكدا بدأت أقرأ الفاتحة .. فوقت من النوم وأنا بكمل السورة ودا أكدلي إني مكنتش بحلم وكنت واعية بس كنت بين النوم والصحيان .
كان يوم صعب أوي عليا .. مقدرتش أنام .. كل ثانية أبص في كل أركان الأوضة .. خاېفة أوي وحاسه جدا إن في عين بتراقبني .. ودا شعور لواحده كفيل إنه ينشف الډم في عروقي .
كل ما أغمض عيني بلحظات أفتحها تاني .. كنت حاسه بقبضة في قلبي .. وفجأة قلقت على أخويا .. كنت حاسه إنه تعبان .. قلبي بدأ يقلقني عليه .
بس ماكنتش قوية كفاية إني أقوم وكمان أتصل بيه في الوقت ده .. فضلت أقرأ قرآن وأقول أذكار .. فضلت برضه قلقانة .. بدأت أشم ريحة نفاذة جدا .. ريحة بخور .
فضلت أكح كتير .. لما