عالم اخر الجزء الاول
لنظرة تانية خالص .. نظرة نفور وضيق وڠضب .
رجعت أشوف شكله وحش مرة تانية .. كنت كل ما أبربش أتخيل وشه مليان نفس الشعر الإسود إللي مغطيه بأكمله .. وأشوف عينه مش موجودة.. أفتح عيني اشوفه طبيعي.. الملخص أني مبقتش حابة وجوده..
ف لمح البصر مشيت من قدامه بسرعة .. مادتلوش فرصة يتكلم معايا تاني .. وركبت أول ميكروباص وبعدت عنه .
وتمر الأيام والشهور ودخلت الكلية .. كنت منطويه جدا وقررت مصاحبتش أي حد .. وأي حد كان يحاول يقربلي كنت ببعده .. وكل اللي ييجوا يتقدمولي كنت بحس بشعور غريب.. ضيق في صدري ورفض حتى من قبل ما اقابلهم.. يا إما الشخص نفسه تحصله حاجة تمنعه أو يعتذر بعد ما يتقدم وياخد ميعاد.. صدقني ماكنتش بزعل .. كان الموضوع عادي .. أو علشان ماكدبش .. الموضوع كان عادي في البداية بس .. لكن بعد مازاد عن حده .. بدأت أتضايق وأشيل ف نفسي أكتر .. السن بيفوت وشايفة جيراني وقرايبي وهم اصغر مني وبيتجوزوا.. شعور صعب اوي.
كنت بسافر كل يوم .. ولما شافني وإتعرفنا على بعض .. كنت مرتحاله أوي .. إسمه صلاح وطلع صاحب أخويا وكان مكلمه عليا وكان عايز يتقدملي ..وجه بالفعل إتقدملي .. وإتخطبنا .. وبعد خطوبتنا بشهر فجأة مبقتش مرتاحه وبقيت اشوفه زي مايكون أعوذ بالله كلب او شيطان هو كمان !!.
ماحدش فيهم كان حاسس بيا ولا عارفين أنا بشوف إيه كل يوم بالليل بعد ماكنت بكلم صلاح .. كنت بسمع صوت كان بيجيلي من تحت المخدة إللي بنام عليها وبيقولي إنتي مش لحد غيري .. إللي هايقرب منك أنا هاعذبه وهاحرقه .
وكنت بحس بإيد باردة بتلمس شعري ..
