فرحة قلب الصعيدي

من امره وتحدث بحزن
معدتش ينفع يا بت عمي صدجيني يا فرحة معدتش ينفع ثم ابعدها عنه اما هي فسقطت دموعها علي وجنتيها وامسكت يده تترجاه
لا يا فهد
عشان خاطري متعملش اكده بترچاك اني اللي بجولك اني عشجاك والله عاشجاك ورايدة اني اكمل اللي باجي من عمري معاك وچارك 
ابتسم فهد بسخرية مما يحدث فهو من كان يردد ذلك
الحديث تمني لو احبته مثلما هو يعشقها ولكن للاسف لم تفعل والآن بعدما علم انها كانت تعشق اخاه كل شئ تبدل فمن المستحيل ان يتعايش مع شئ كهذا واذا اطاع قلبه واستمر معها سيحكم علي حياتهم بالفشل من قبل ان تبدأ

فمن الصعب عليه ان يتعامل مع الامر كأن لم يكن تنهد بضيق وتحدث بعصبية خفيفة وهو يجذب يده منها 
انتي ليه مش رايدة تفهمي يا فرحة ان معدتش ينفع بجي
صړخت به فرحة پغضب 
ليه بتجول اكده ليه لما بجربلك بتعبدني عنك ولما كنت بتجربلي كنت ببعد ليه كل حاچة بحبها بتروح مني ليه مش مكتوبلي ارتاح انا تعبت يا فهد تعبت انت ليه مش عاوز تفهم اني عاشجاك بحبك يا اخي اعمل ايه عشان تصدجني
صړخ بها فهد هو الاخر وهو يقترب منها 
كيف يعني اصدجك وانتي كل لحظة كنتي بتجوليلي فيها انك بتكرهيني كل مرة كنت بحاول اجرب منك كنتي بتصديني وفي الاخر جولتيلي انك مكنتيش رايداني وكنت رايدة اخوي والمفروض دلوك اني اصدجك وانتي بتجوليلي انك عاشجاني واتعامل عادي واخدك في حضڼي ونعيشو في تبات ونبات طب كيف وانا كل مرة هشوفكم سوا ڼار هتجيد في جلبي طول الوجت هبجي حاسس بالشك والغيرة دي مهتبجاش عيشة يا فرحة عرفتي ليه مهينفعش 
كانت تنظر بعينيه وهو يتحدث كانت نظراتها له تتحدث عما بداخلها فهي تعلم انه علي حق في كل ما قاله ولكن ماذا بعد هل سوف ينتهي الامر عند هذا الحد هل حبها لفهد سيحكم عليه بالاعډام بسبب غلطة ارتكبتها هي نعم هي اطلقت علي حبها لحمزة غلطة فهذا ما اكتشفته نظرت لفهد بدموع وتحدثت بهدوء عكس ما بداخلها
عنديك حج يا واد عمي بس جبل ما نمشي انا رايدة اجولك حاچة وبعديها اوعدك اني هبعد وهعمل اللي انت رايده انا انا معشجتش حمزة چايز انا كنت مفكرة ده بس انا فعلا محبتهوش انا حبيت هزاره معايا خوفه عليه هو ده اللي خلاني اوهم نفسي اني عاشجاه وخصوصا اني مجربتش العشج ولا اعرفه بس تعرف حاچة انا چربته بس لما جربت منك عشان حسيت معاك بحچات اول مرة احسها واعرفها برغم انك حتي بعد چوازنا كنت بتعاملني عفش بس جربي منك واحنا پنتخانق مع بعض كان بالنسبالي ليه طعم تاني واحساس مش هعرف اوصفه وصدجني انا حاسة بيك وبكل كلمة جولتها وخابرة ان صعب عليك لو كملت بس وحيات اغلي حاچة فحياتي انت انا عمري ما عشجت حمزة انا بس كنت موهومة مش اكتر قالت ما قالته ثم مسحت دموعها بباطن يدها واكملت بهدوء لو سمحت انا رايدة ارچع مش عاوز اروح الفرح
كان ينظر لها فهد بهدوء ويستمع لحديثها بغموض وبعد ان انتهت تحدث بجمود
تمام يلا بينا ولم ينطق بحرف آخر فقط سار بجانبها اما فرحة فاغمضت عينيها بحزن وتأكدت انه لن يغفر لها ابدا وقد انتهت علاقتهم للابد
لا حول ولا قوة الا باالله
كانت تجلس حورية بغرفتها وتقف امام المرآه تنظر لنفسها ولدموعها التي تهبط علي وجنتيها وتنهر نفسها بحدة ولوم
پتبكي ليه دلوجتي عاد هه مش انتي اللي عملتي في روحك اكده ياما جولتلك ده مش من توبك عشان تحبيه ومشيتي ورا جلبك و روحتيله برچليكي جولتلك ده عمره ما هيعشجك ويوم ما يعشج هياخد اللي من توبه اللي شبهه اديكي في الاخر اتچرحتي منه استعر منيكي جدام الخلج جال وانتي يا خايبة كنتي بتضحي عشانه وشايفة انه يستاهل احسن منك واهو في الاخر برضه شاف غيرك ثم وضعت يدها علي وجهها وظلت تبكي بحړقة وقد كان مراد يقف خلفها ويستمع لكل كلمة قالتها وكان يشعر بانقباض قلبه وظل يلعن نفسه لانه السبب في ۏجعها الآن فكيف يفعل بها وهي من سكنت قلبه كيف طاوعه قلبه لېؤذيها هكذا فهو لم يتحمل دموعها الي تهبط بسببه فاقترب منها وهو يقؤل
بحزن
حورية انا اسف
فور ان سمعت صوته حتي انتفضت من مكانها ومسحت دموعها پعنف وهي تلتف له پغضب
انت ايه اللي چابك اهنه اخرچ برة 
طيب اسمعيني الاول وبعدين هخرج عشان مش هخرج الا لما تسمعيني يا حورية لم تجعله يكمل حديثه حيث انها صړخت به پغضب
مش عايزة اسمع حاچة اخرج برة يا مراد انا بكرهك ومش رايدة اشوفك ولا اسمع صوتك بعد عني بجي
وكأنها كانت تريد احتضانه لتبكي وتشكي له ما بها حتي وان كان هو المذنب في حقها
اما مراد فتكونت الدموع