عوالم خفية... بقلم محمد ابراهيم

بلغة غريبة .. لو كانت سيريانية كنت عرفت .. إنما اللغة دي كانت غريبة عليا .. بس ف أخر كلامه بدأ ينطق باللغة العربية ويقول كلام كتير ملغبط زاي مثلا قال 
_ أنا إله الشمس .. دعونا نتحرر من الظلام .
وكلام كتير بنفس الطريقة والتعالي .
يشهد ربي سبحانه وتعالى إن كل كلمة بقولها حصلت بالفعل ..
ف الحالات إللي زاي دي لازم وجود محرم .. علشان أكون ملتزم بالحدود الشرعية علشان ربنا يقدرني ويوفقني .
لما قرأت عليها قرآن بدأ يحضر ويكلمني ..كان باصصلي بثبات .. وبدأ يقرأ معايا قرآن وبالتشكيل كمان !
وقفت شوية وفضلت باصصله .. قولتله 
_ إنت ديانتك إيه وماتكدبش عليا.
قالي بنفس النظرة الثابتة وكإنه بيهيألي إنه واثق من نفسه 
_ مسلم .
ضحكت وأنا بقوله 
_ مش قولتلك ماتكدبش عليا .. إنت مش مسلم .. على العموم لو أنت صادق .. إثبتلي .
رد عليا وقال 
_ إقرأ وأنا هاقرأ معاك .
وبدأنا نقرأ .. كنت بقرأ وهو يردد ورايا .. لحد ما بقاش قادر يكرر ورايا .. قال بصوت مليان خوف 
_ خلاص .. خلاص .. أ أ أنا م مش مسلم .. أنا ماجوسي من عبدة الڼار .. وإسمي ديمبارون .
كان هو الرصد بتاع المقپرة .. ولبسها هي علشان ف العموم جسم الست أضعف من الراجل .. وبتعتبر بواية سهلة ليهم .
لبسها علشان يهددهم يبعدوا عن المقپرة .. بيخوفهم علشان دي شغلته .. بيحمي المكان تحت .
المهم .. وأنا بقرأ ومتواصل ف القراءة .. أغمى عليها .. وقفت لحد كدا الليلة دي .. وقولتلهم 
_ يا جماعة أنا هاستأذن دلوقتي ولينا لقاء تاني .. وسيبوها ترتاح .
ماحبتش أحدد قدامهم اللقاء التاني علشان إللي جواها مايهربش .
روحت البيت .. دخلت الحمام إتوضيت وصليت الفرض إللي فاتني وأنا عندهم .. وخلصت صلاة وأنا بسلم  
_ السلام عليكم ورحمة الله وبركاته .. السلام عليكم ورحمة الله .
لسه هاقوم لقيته بيتشكلي وواقف قدامي !!! .
جاني على هيئة ضباب أو دخان كثيف .. مالوش ملامح .. أنا شايفه كويس مش مجرد حاسس بيه .. لقيته بيقولي بنبرة فيها تحذير 
_ أبعد عن الموضوع دا .. أبعد علشان خاطر بيتك وعيالك .. أحسنلك خليك بعيد .
قولتله وأنا بقوم من على سجادة الصلاة وبطبقها وبحطها على السرير 
_ وإيه رأيك بقى أنا مش هاسيب الموضوع دا .. وإن شاء الله ربنا هاينصرني .
بعد ما خلصت كلامي إتبخر وتلاشى .
عديت يوم وإتنين .. وف اليوم الرابع روحتلهم .. خبطت على بابهم الساعة 9 بالليل ..
كنت جايب إزازة ماية وقاريء عليها الرقية الشرعية .. كل ما كان يعصلج معايا كنت برش على وشه من الماية .. الماية إللي
كانت بتحرقه .
فضلت أقول 
_ هاتخرج ولا تتحرق مكانك .. أنطق الشهادة يلا .. أنطق .
فضل يقاوح كتير وأنا بقرأ ومتواصل ف القراءة .
لحد ما جاب أخره وبصوت عالي وغليظ قال 
_ أشهد أن لا إله إلا الله .. وأنا محمد رسول الله .
وبفضل المولى عز وجل خرج وهو مسلم .. وبعد عن المكان .
عرضوا عليا فلوس كتير مقابل إني أساعدهم يخرجوا إللي تحت الأرض .. قولتلهم وأنا مبتسم 
_ أنا ماليش ف الكلام .. أنا كدا مهمتي خلصت .. وعلى العموم مكانكوا أصبح آمن .
بصيت للست إللي فوقتها بشوية ماية وقولتلها 
_ صلي وقربي من ربنا .. أذكار الصباح والمساء بإستمرار وخليها عادة عندك صدقيني هاترتاحي .. وأوعي تنسي تقرأي قرآن ولو صفحة كل يوم .. والأهم القرآن مايتقطعش من البيت .
وسيبتهم وإتوكلت على الله مشيت .
تمت .