الجزء الاول..في شقة اسكندريه الجديده.. حصريا على موقع ايام وصفحة روايات من عالم آخر بقلم محمد ابراهيم

برة لقيته لسه بيدور على المحفظة قالي وهو مش على بعضه 
_ يعني ايه .. دي المحفظة مش موجودة .. بقولك ايه يا منال انا هنزل اشوف البواب كدا يمكن يكون لقاها هنا ولا هنا .. كان معايا فلوس بعيد عنها وحاسبت المطعم امبارح.. مش فاكر هي فين .. دي تبقى مصېبة لو ملقهاش دي فيها الفلوس كلها .
نزل وساب الباب مفتوح قعدت على الكرسي بزهق وعمالة ألعن الشقة باللي فيها في اللحظة دي سمعت صوت واحدة ست بتنادي عليا طلعت برة الشقة وبصيت على يميني وفي اخر درجة السلم عند السطوح واحدة ست قعيدة بصالي بإبتسامة وشها بشوش وجسمها مليان كان الواضح انها بتعاني من السمنة المفرطة بس باين عليها الطيبة قالتلي لما شافتني 
_ يا صباح الجمال .. انا ستك بديعة .. سامحيني يا بنتي انا سمعتك دلوقتي بتزعقي .. شكلك شوفتي التعابين مش كدا .
اتحرجت بصراحة لاني مش متعودة صوتي يعلى لدرجة تخلي الجيران يسمعوه قولتلها 
_ بصراحة اه يا حجة .. كل شبر من الشقة بلاقي فيه تعبان .. واحنا جايين نقعد اسبوع ماشيين بس الواضح كدا اننا هنمشي علطول .
قالتلي وهي بتلف نفسها بالكرسي 
_ لا ده الموضوع كبير بقى .. عموما انا ساكنة فوق وقاعدة لواحدي معظم الوقت .. لو حابة تتكلمي في اي وقت انا موجودة .
مشيت ودخلت لجوة في الوقت اللي لقيت عمار طالع من تحت السلم وشه احمر وعمال يئفئف ويضرب كف على كف عرفت من ردود افعاله انه ملقاش المحفظة ودي في حد ذاتها کاړثة تانية 
طلع موبايله ودقيقة صمت اتكلم وقال 
_ سعيد ازيك يا حبيبي طمني عليك ..
لا والله يا صحبي مش تمام ..
محفظتي وقعت ومعايا مراتي وموقف مش ظريف خالص ..
لو ينفع اعدي عليك اخد منك قرشين كدا ارجع بيهم القاهرة وهردهملك علطول ..
حبيبي ماتحرمش منك .. نفس العنوان مش كدا .. اوكي .. يلا سلام .
كان الواضح من كلامه انه هينزل يروح لصاحبه بس مكنتش عايزه اقعد لواحدي في الشقة علشان كدا قولتله 
_ انا جاية معاك .. ما انت اكيد مش هتسيبني اقعد لواحدي لما تيجي.
اتعصب عليا وسابني ومشي قررت هقفل الشقة واطلع اقعد فوق مع الست بديعة لما طلعت السطح شميت نفس الريحة بتاعت الاوضة اللي في الشقة بصيت على يميني لما طلعت السطوح لقيت برميل كبير قديم ومكسور والريحة طالعة منه لما قربت وانا حاطة ايدي على بوئي بصيت جواه لقيته حرفيا مملي على اخره تعابين سودة صغيرة وكلهم ميتين !!! .
يتبعع..
انتظروا الجزء الثاني