الجزء الاول..في شقة اسكندريه الجديده.. حصريا على موقع ايام وصفحة روايات من عالم آخر بقلم محمد ابراهيم

ايه .. في ايه .. بسم الله الرحمن الرحيم .. مالك يا منال.. شوفتي كابوس ولا ايه .. من اولها كدا .
عامر صحي مڤزوع من صړختي بصيتله ومسكت ايده بقوة من الخۏف وانا حاسة بحركتهم 
_ تعابين يا عامر .. تعابين كتير كانوا ماشين عليا وانا نايمة.. كابوس مرعب .. انا خاېفة .
من خۏفي لما شوفت التعابين نسيت الراجل اللي شوفته قام عامر علشان يجيبلي ماية دخل المطبخ وانا حاطة ايدي على دماغي والکابوس عمال يتعاد جوايا سمعت صوت طرقعة في المطبخ بس مهتمتش اما راجعت تفاصيل الکابوس فجأة قولت بصوت عالي وانا على السرير الراجل .. كان فية راجل واقف عند الاوضة .
قولت كدا تزامنا وانا برفع راسي لفوق علشان أشوف نفس الراجل واقف قدامي بيضحك !!! .
في الوقت ده عامر جية وعدى من قدامه اللي كان لسه واقف وانا بصالة ومبرأه ومش قادرة اتكلم عامر مشافهوش .
_ أتفضلي يا حبيبتي إشربي شوية ماية وأهدي مش عايزك تخافي طول ما انا جمبك .
عايزة أقوله بص هناك بس اقوله ايه وهو عدى من قدامه مسكت منه الكوباية وانا باصة على الراجل في صمت رفعت الكوباية قدام وشي وشربت ولما نزلت الكوباية ملقتوش .
بلعت ريقي بالعافية بس شوفت بوضوح مكان ما هو كان واقف من ثواني تعبان طويل ورفيع بيتحرك برضو بنفس بطء التعبان الصغير اللي كان في الاوضة التانية !! .
_ ايه ده الله يخربيت القرف .
اكتشفت ان عامر شافه وراح عليه وضربه على دماغه بقوة ماټ علطول جاب منديل وشاله وحطه جوة كيس ودخل المطبخ وجاب تعبان تاني شبهه ورماهم هما الاتنين فوق السطح بعد ما فتح الباب وطلع لفوق.
لما رجع لقاني واقفة على باب الشقة قولتله وهو نازل على السلم بصوت واطي 
_ انت بترميهم فين عايز حد من اللي فوق يشوفك وتبقى مشكلة .
قالي بعد ما دخلت انا وهو وقفل الباب ورانا 
_ ما انا ماقولتلكيش بنت البواب الكبيرة قالتلي ان العمارة فيها تعابين صغيرة بتظهر من تحت البلاط وخصوصا الشقة اللي قدامنا دي لانها اصلا مهجورة من سنين وقالتلي لو لقيت تعابين موتهم وارميهم فوق السطح مرضتش اقولك علشان مټخافيش واهو زي ما انتي شايفه التعابين صغيرة مش بيأذوا .
كانت اول خناقة تحصل بينا بعد الجواز فضلت اقنعه نسيب الشقة بس بسبب ان عامر للاسف بخيل مرضاش بحجة اننا في الشقة دي مش هندفع مليم .
ودي مشكلته الوحيدة والكبيرة .
وفضل يقنعني ان لو روحنا اوتيل او اجرنا شقة اليوم هيتكلف كتير ويمكن ده سبب كل خلافنا بخل عامر بخله اللي خلانا نعيش ليلتين من الړعب والفزع وفي الحقيقة من الحزن والإكتئاب .
لاننا فضلنا في الشقة حتى بعد ما حكيتله اللي شوفته في الکابوس كان طبيعي يكدبني لان مافيش اي حد في الشقة غيرنا .
تاني يوم لقيت عامر بيصحيني وهو مبتسم وبيحاول يصالحني لما فوقت قالي 
_ احنا جايين نزعل من بعض ولا نتبسط .. سامحيني وليكي عندي هدية مخصوص اصالحك بيها .. بس مش لاقي محفظتي ماشوفتيهاش امبارح .
قام من على السرير وفضل يدور عليها قومت غسلت وشي جيت علشان أنشف وشي لقيت تعبان صغير ماشي على الفوطة لما شوفته رميتها على الارض وانا بنادي على عامر .
_ لا ده كدا كتير اوي بقى .. يا عامر شوفلك حل انا مش طايقة نفسي.
مردش عليا لما بصيت