الجزء الاول..في شقة اسكندريه الجديده.. حصريا على موقع ايام وصفحة روايات من عالم آخر بقلم محمد ابراهيم
الشقة ولسه عامر هيحط المفتاح في الباب بدأنا نسمع صوت ست بټعيط جاي من فوق السطوح
_ منك لله .. أنا مش مسامحاكي .. أنا بكرهك .. الحقني يا حبيب .. أنتي شيطانة .. حرام عليكي انا قد أمك .. يااا حبيب انت فين رد عليا شوف مراتك بتقولي يا مشلۏلة .
بصلي عامر وقالي
_ شششش يلا ندخل ملناش دعوة بحد .. لما طلعت فوق السطح النهاردة لقيت أوضة في أخر السطح .. أكيد في سكان .. مش عايزين مشاكل .
كل الأوض مترتبة ونضيفة حتى الحمام والمطبخ والصالة إلا أوضة واحدة بس الأوضة اللي دخلتها أنا ووقفت قدام مراية التسريحة الأوضة كانت مفتوحة وكنت بقرب انا منها وكل ما اقرب كل ما الريحة اللي جوة تقرب مني
قولت كدا لعامر اللي لقيته قالي
_ يمكن تعبوا وبكرة يكملوا.. كتر خيرهم .. ده مافيش أحسن من كدا.
دخلت الأوضة وفتحت النور لان كان في شنطة جوة وكنت عايزه اجيبها الشيء اللي لفت نظري ان الاوضة فعلا محدش قرب منها بس كنت غلطانة لاني لما بصيت على المرايا لقيتها كلها متربة !! .
لفت نظري على جانب المرايا وجود خط طويل مموج خط مش مستقيم كان فيه تعاريج وفي أخره مافيش أثر تاني كان شيء طبيعي أتتبع الخط الغريب ده لحد بعد المرايا وفضلت باصة على الحيطة وصعقټ لما لقيت تعبان صغير لافف نفسه حوالين حتة حديدة نازلة من السقف!! .
_ الحق يا عامر .. تعبان .
لما جيه وبص عليه لقيته بيقولي وهو باصص عليه
_ ده صغير يا حبيبتي مټخافيش .. وعلفكرا هو أصلا مېت .
يا نهار إسود ومهبب .. طب وده .. ده برضو مېت .
قولتله كدا لما بصيت على الارض عند الدولاب ولقيت تعبان أصغر من اللي متعلق بيتحرك حركات بطيئة وبيقرب لتحت الدولاب قبل ما ينزل راح له عامر وبالجزمة اللي لابسها راح دايس عليه .
_ عامر .. اتصدق ان الاوضة دي ملهاش باب .. تعالى حتى وبص بنفسك .
بالفعل مكان الباب مخلوع شال التعابين ورماهم فوق السطح ونزل تاني كان يوم شاق وكان طبيعي اننا نروح في النوم وانا نايمة حسيت بحاجة ماشية على ايدي وعلى رجلي وعلى وشي وشعري فتحت عيني لقيت واحد واقف عند اول الاوضة اللي من غير باب وكان لابس بالطو طويل شخص طبيعي كل اللي عمله انه وكان باصص عليا وبيضحك ضحكة خبيثة .
تعابين صغيرة وسودة صړخت وصحيت من النوم وانا بنهج
