الجزء الثاني والاخير في شقة اسكندريه..بقلم محمد ابراهيم

نفس الشخص اللي شوفته نفس البالطو والنظرة كل حاجة ايوة هو!! .
بصيت لعلا بذهول وقولتلها على اللي شوفته قالتلي بصوت واطي 
_ ده شيخنا وسيدنا .. ده مبروك وولي من اولياء الله .. اللي شوفتيه ده بركة من بركاته .. ده سره باتع .. كل أخر شهر بييجي بيطلع فوق السطح وبيعزم وبيخليهم يستخبوا في جحورهم لحد الشهر اللي بعده .. في يوم من قريب خالد اخويا الصغير طلعلها وقالنا انه قعد معاها .. وحصله زيك بالظبط .. هو قال انه قعد شوية صغيرين .. بس في الحقيقة هو فضل فوق أكتر من ٨ ساعات !! .
قومت وجريت على الباب فتحته وطلعت فوق السطح علشان اشوف هو بيعمل ايه كنت مخبية نفسي وبصة عليهم بطرف عيني التعابين موجودة والبواب وعامر واقفين بعيد عنهم والرفاعي ماشي بثبات وسطيهم اللي لاحظته انهم بيبعدوا عنوا !! .
صوتهم مرعب أوي الرفاعي بدأ يقول 
_ أقسمت عليكم أيها الدبيب بحق طه الحبيب .. بحق طه الحبيب.. بحق عم الشيخ ركابي وعم الشيخ زكريا وبحق ......
انا عارفه كويس اللي قاله بس محبتش اقول غير الكام كلمة دول بس هو فضل يعزم اكتر من ربع ساعة بنطقه لنفس الكلام البواب وعامر جوزي كان عايزهم لغرض تاني كانوا واقفين عند الاوضة وفجأة وهو بيردد عزيمته قالهم بصوت عالي 
_ ادخلوا الاوضة دلوقتي هتلاقوا زير .. شيلوه وهاتوه بسرعة .
الزير اللي شربت منه ماية طعمها غريب بالفعل شالوه وكان الواضح انه تقيل رغم انه صغير بس كان مملي على اخره ولما قربوا منه قالهم 
_ ارموا اللي جواه هنا .
التعابين اتجمعوا في نص السطح على شكل دايرة لما دلقوا اللي في الزير واللي كنت مفكراه ماية بس اللي نزل من الزير كان سائل إسود تقيل !! .
لما فضوه امرهم يمشوا وميشوفوش اللي هيعمله لما سمعت كدا نزلت بسرعة لتحت لقيت علا بتقولي وهي خاېفة 
_ ايه اللي خلاكي تعملي كدا .. مكنتش عايزه اسحبك بالعافية احسن يسمعك .
في الوقت ده نزلوا ودخلنا احنا الاربعة جوة الشقة .
عامر لما دخل فضل يقول 
_ اعوذ بالله .. مش معقول اللي شوفته ده مش معقول .. اعوذ بالله .. دا انا شوفت الكرسي بيتحرك كان حد بيجره !! .
كنت سامعه الحوار وانا مش فاهمه حاجة بدأنا نسمع صوت خطوات لأكتر من رجل فوقينا صوت حركات عشوائية ثواني ولقينا الباب بيخبط .
كان هو الرفاعي قال وهو بيدخل الشقة وبيقعد على الكرسي 
_ تمام .. كله تمام .. قولتيلي مين دول بقى يا علا .
ردت عليه علا بإنحناء كدا وقالتله 
_ دول جايين يصيفوا كام يوم ويمشوا علطول .. والله يا سيدنا انا قولتلهم ميقربوش للسطح مسمعوش كلامي .
كان باصص عليا ومستنيني اتكلم بس ده محصلش لان عامر قال 
_ حطي نفسك مكاني .. لسه بحط رجلي في العمارة لقيتها بتقولي بلاش اطلع السطح ولا انا ولا مراتي لاننا هنسمع صوت واحدة ست بتتكلم بعصبية وبتزعق .. ولما سألتها عن السبب لقيتها بتقولي ان الست مش موجودة وكل اللي بيقعد معاها بيتأذي .. كان لازم اخد كلامها بتريقة طبعا .
يعني ايه الست مش موجودة اومال مين اللي قعدت معاها وشوفتها بتتصرف بغرابة دي .
في الوقت ده وجه الرفاعي كلامه ليا وقالي 
_ ها .. مش ناوية تتكلمي .. بتسألي نفسك وبتقولي مين اللي قعدتي