الجزء الثاني والاخير في شقة اسكندريه..بقلم محمد ابراهيم

معاها دي مش كدا .. ببساطة يا استاذة منال ان الست دي مېتة من أكتر من ٦ سنين .. ومن يوم مۏتها التعابين والافاعي فرضوا سيطرتهم على العمارة .. بسبب السحر االي اتعملها .
كنت بصاله بذهول كانه كان بيقرا افكاري سألني عامر ان كنت فعلا قعدت معاها قولتله 
_ أيوة حصل ..لما انت نزلت معرفتش اعمل ايه قومت طلعت وقعدت معاها .. ما انا لو كنت اعرف من الاول مكنش ده حصل .
قام الرفاعي وقف وبص على الاوضة اللي من غير باب ودخل جوة سمعت صوته من جوة بيقول 
_ طبعا يا علا انتي بغبائك مقولتلهمش على كل حاجة وابوكي الاخرس الاغبى منك نضفلهم الشقة وساب الاوضة دي على وضعها كدا.. أغبيا .
بصيت على علا وجوة عيني اسئلة كتير ايه اللي المفروض كانت تقوله لينا وبدأ زي فوق يقول عزيمة بس المرادي كانت بشكل مختلف 
_ أقسمت عليكم بحق سيدنا سليمان .. اقسمت عليكم بحق الكافات وما فيها من الكفايات و أسرارها التامة .. لا تأذونا بالأنفاس السامة .
فضل يكررها اكتر من مرة بعد عشر دقايق خرج من الاوضة وهو بيقول 
_ لازم الاوضة دي تتقفل بالضبة والمفتاح .. والأحسن تحطوا طوب مكان الباب وتسدوها خالص .. الاوضة دي هي سبب المصاېب .
لما الرفاعي خرج ووصل لباب الشقة بصلي وبدون مقدمات قالي 
_ شربتي من الزير ليه .. انتي عارفه ان كان في الزير ده كان ډم تعابين مش ماية .
_ !!!!!!! .
هو قالي كدا ودخلت الحمام جبت اللي في بطني دخلت علا معايا لما خرجت ملقتوش برة ولا هو ولا البواب ولما علا نزلت قولت لعامر 
_ عامر هو ده نفس الشخص اللي قولتلك اني شوفته .. اقسم بالله كان واقف قدام الاوضة دي ما انا قولتلك وساعتها انت مصدقتنيش .. وهو عرف ازاي اللي بفكر فيه وعرف ازاي اني شربت من الزير .. هو كان موجود وانا مشوفتوش .. ده دجال .
متكلمش ودخل علشان يحضر الشنط دخلت وراه لقيته بيبكي لما شافني قالي 
_ انتي متعرفيش انا كنت قلقان عليكي قد ايه لما فضلت ادور عليكي .. حسيت انك روحتي مني .. في الوقت ده بس صدقت كلام علا .. لو كان جرالك حاجة مكنتش هسامح نفسي ابدا .
وقتها كل الڠضب اللي جوايا تلاشى وقربت منه وطبطبت عليه وبدأت أحضر الشنط معاه وبالفعل مشينا قبل ما نوقف تاكسي علشان نمشي ندهت على علا اتكلمت معاها وعرفت منها كل اللي حصل .
كنت بسمعها وانا مصډومة كلام السواق مكنش مظبوط اللي قټلت بنتها واڼتحرت كانت في العمارة اللي جنب العمارة دي بس حصلت چريمة تانية في نفس العمارة اللي كنا فيها.
علا قالتلي 
_ تعرفي ان الست بديعة عملت كل حاجة لإبنها حبيب تعليم ولبس وأهتمام ورعاية ابنها الوحيد وطبيعي اي واحدة مكانها تعمل كدا ولما كبر وقالها عايز يتجوز وقتها قالتله شاور على اي واحدة اجوزهالك ودي كانت اكبر غلطة لان اللي اختارها حبيب مطلعتش بنت حلال .
اتجوزوا في الشقة اياها وامه عاشت معاه مع الوقت مراة ابنها محبتش وجودها في نفس الشقة لان الست بديعة قعيدة بسبب مشاكل في ضهرها ووزنها كان زايد جدا مبقتش تقدر تتحرك غير بالكرسي لما حبيب ابنها بيكون موجود كانت بتعاملها كويس ولما بيمشي كانت بتتنمر عليها.
مراة حبيب كانت بتبقى في اسعد لحظات حياتها