الجزء الثاني والاخير في شقة اسكندريه..بقلم محمد ابراهيم

لما تتريق على حماتها .. يلا يا تخينة .. يلا يا مشلۏلة .. يلا يا اللي رجلك والقپر .. كلام صعب جدا وكنت بسمع ده بوداني .. وعلى الرغم بكدا الا ان الست بديعة كانت بتسكت ومش بتشتكي لابنها .. علشان ميتضايقش ..اما التانية فكانت كل شوية تدعي ان حماتها بتضربها وتشتمها لحد ما حبيب في يوم قرر يطلع امه ويقعدها فوق السطح بعيد عنهم في اوضة معفنة من غير عفش .. حركة زي دي قضت عليها نفسيا .. لان الزفتة التانية مسبتهاش في حالها برضو .. وكانت بتطلعلها السطح وتفضل تتنمر عليها .. تخيلي يا استاذة منال انها جابت دجال شقتها وعملت لحماتها سحر خليتها تتجنن وخلت ابنها مبقاش بيسال عنها ولا بيطلعلها .. شهور على الحال ده لحد ما الست بديعة ماټت .. تخيلي فضلت يومين بحالهم مېتة ومحدش فينا عرف غير لما الريحة طلعت .. من يوميها والتعابين ظهروا في العمارة .. مش عارفه ده بسبب مۏتها ولا من السحر اللي مراة ابنها عملته فيها ولا الاتنين .. بس المهم ان ربنا جابلها حقها من ابنها اللي مطمرش فيه التربية .. مراته خدت كل اللي وراه واللي قدامه وأختفت .. وهو بقى على الحديدة وللأسف كانت بتستخدم السحر والعمل السفلي في الاوضة اللي من غير باب .. وكل ده من غير ما جوزها يشوفها .. ومن وقتها باعت الشقة لراجل برة اسكندرية وبقت مقفولة علشان كل ما ييجي كل سنة يصيفوا يشوفوا اسود ايام حياتهم .
اكيد الرجل ده هو محمد صاحب عامر ! .
بقى بعد اللي امه عملته معاه يقوم هو رادد كل ده بالۏحشية والاھانة لامه اللي مكنتش تستحق كدا .
بعد ما سمعت القصة من علا مشينا وبالفعل رجعنا البيت في القاهرة .
رحلة كانت صعبة وبشعة رجعت شايلة هم وخوف وړعب وإكتئاب كتير لحد وقتنا ده حاسة بطعم ډم الافاعي في بطني مع الايام حاولت انسى ويعني يمكن اكون نجحت لفترة لكن اللي خلاني افتكر لما عملت تحاليل وطلعت حامل .
وعدوا شهور الحمل بسلام وبالفعل خلفت جبت بنوتة وسمناها غالية بس مشكلة غالية انها لما كبرت وبقا عندها دلوقتي ٣ سنين منطقتش بحرف بعد محاولات مننا كتير اننا نعالجها كل اللي غالية بتعملة كل اخر شهر ان بيطلع منها صوت فحيح .
خاېفة يكون اللي في بالي خاېفة يكون السحر إشتغل في بنتي خصوصا ان مافيش دكتور عارف يشخص حالتها!!.
تمت.
التفاعل واقع خالص ماتنسوش لايك وكومنت تقولي فيه رأيك بصراحة وياريت لو شير