رواية جديدة للكاتبة حنان حسن

اول ما بشم ريحتة..
بعرف انه معايا
ببقي عايزة اصړخ ...
واهرب من المكان...
لكن... في حاجة اقوي مني
كانت بتشدني كل مرة
وبتقيدني في مكاني ..
فا افضل مستكينة... ومستسلمة
واتحول لتمثال من الشمع
صحيح التمثال مش بيتحرك
لكن ...
بس... بيفضل مستكين
وبيفضل التمثال كده
النور بيرجع ...
وافضل بعدها ابص حواليا... 
ملاقيش حد
ولا الاقي اي حاجة
وارجع الاقي نفسي
هتجنن ...
وانا بسال في زهول
ايه الي بيحصلي ده
وليه 
واشمعني انا
ولغاية امتي هفضل كده
فكرت كتير احصن نفسي
لكن...خۏفت...
ايوه خۏفت
عارفين خۏفت ليه
ومن مين 
هقولكم...
بس الاول اعرفكم بنفسي

الجزء الاول
يومين في الحړام
للكاتبة ..حنان حسن
انا اسمي فاطمة
بس هنا في بلدنا
بينطقوها ب فاطنة
اصلي بعيش في قرية صغيرة في الارياف
الناس فيها بسيطة وعلي فطرتها
السن ٢٥ سنة
شكلي حلو الحمد لله
لكن مقطوعة من شجرة
ومن هنا بتبدء حكايتي
انا فتحت عيني علي الدنيا..
لقيتني بعيش مع امي وابويا..
امي كان بتمتلك كام قيراط ارض..
كان ابويا بيشتغل
فيهم
وكنا عايشين...مستورين
امي وابويا...
مكنش ليهم اهل ولا عزوة
عشان كده
امي كانت مصاحبة جارتنا ... الارملة
وانا كنت بنادي علي جارتنا
بخالتي ام فرغلي..
اصل ولادها اكبر مني بكام سنة بس...
وسر امي كله كان عند جارتنا
وكانوا بياكلوا مع بعض
ويتسوقوا مع بعض
وتقريبا مكنوش بيفترقوا الا ساعة النوم
وفضل الحال علي كده
لغاية ما امي تعبت...
ورقدت..
وجت خالتي ام فرغلي تبات مع امي ليل نهار
عشان...تشوف طلباتنا
لغاية ما امي تقوم من رقدتها..
.لكن....
امي تعبها زاد عليها..
وفي ليلة فاكراها وعمرها راحت عن بالي
بالرغم من اني كنت صغيرة
اوي...
كنت نايمة في الارض...
في نفس الاوضة الي فيها امي...
وشوفت خالتي ام فرغلي
هي وابويا...
قاعدين علي السرير الي امي نايمة عليه
وشوفتهم
وهما بيصحوا امي من النوم...
وبيخلوها تبصم بصباعها علي ورق...
فضلت اتابع الي بيعملوه
وانا مش فاهمة
هما بيعملوا كده ليه
وعشان مكنتش مستوعبة خطۏرة الامر
رجعت غمضت عيني و روحت في النوم
والصبح...
صحيت علي صوت صړاخ
فا فتحت عنيا 
لقيتني نايمة في اوضة تانية غير اوضة امي
وسمعت النسوان بيصوتوا عندنا في الدار 
فا خرجت اجري علي اوضة امي
وبمجرد ما خرجت 
شوفت
خالتي ام فرغلي...
كانت عمالة تلطم وتصرخ
فا جريت وانا مسروعة من صوتهم
علي اوضة امي...
لكن مقدرتش ادخل لامي
لاني لقيت النسوان
قافلين علي امي الباب
ومش عايزين يدخلوا حد
فا فضلت واقفة
لغاية ما امي تفتح الباب
واسالها
ليه النسوان بيصوتوا
وبالصدفة 
واحدة من النسوان الي كانت عند امي جوه
فتحت باب الاوضة...
وخرجت
ولما الباب اتفتح
بصيت جوه الاوضة
لقيت امي نايمة ومغمضة
عنيها..
والنسوان بيحموها
وبعدها... لبسوها لبس ابيض
وحطوها في حاجة عاملة زي الصندوق...
المنظر كان مرعب وخوفني
هما بيعملوا في امي كده ليه
وليه امي مش بتحمي نفسها
فا زقيت الباب
وانا بنادي علي امي
اماه... اماه... اماه
لكن قبل ما اوصل لامي في الاوضة
النسوان طردوني بره
تاني...
لكن المره دي
لما خرجت
لقيت ابويا بيسالني..
وقالي...
ايه الي جابك هنا يا فاطنة
قلت...عايزة امة
رد ابويا بحزن وهو بيطبطب عليا
وقالي...روحي العبي مع العيال يا فاطنة
اتشبثت بالارض
وفضلت اصړخ
واقولة...
لا مش عايزة اللعب مع العيال..
انا عايزة امي
للكاتبة.. حنان حسن
في اللحظة دي...
صړخ ابويا فيا
وقالي...
بقولك اخرجي... العبي مع العيال
بدل ما اضربك
لما شوفت تبريقة ابويا
خۏفت... وخرجت..
لكن ...
ملعبتش مع العيال..
انا فضلت واقفة ادام الباب
ولما لقيت الرجالة شايلين الصندوق 
الي امي نايمة فيه
وخارجين من البيت...
فضلت ماشية ورا هم
لغاية ما نزلوا الصندوق من علي اكتافهم 
في المقاپر
وفهمت ساعتها 
انهم واخدين امي للمقاپر ..عشان يدفنوها..
كنت واقفة ببص للي بيحصل وانا بعيط
انا مكنتش بعيط...
عشان
كنت فاهمة اني مش هشوف امي تاني
لا..
انا كنت بعيط
عشان كنت خاېفة من الي انا شايفاه
وعايزة امي عشان استخبي في حضنها ...
لكن طبعا
مكنش ينفع اقرب من الصندوق
لان ابويا كان واقف جنب الصندوق
ولو شافني ...هيزعقلي تاني..
فا اتداريت ورا شاهد
من شواهد القپور
وفضلت مستنية الناس يمشوا..
واروح اخد امي
من الصندوق
ونرجع البيت تاني...
لكن الناس فضلوا يقراءوا القران وقعدوا كتير
وانا ساعتها الشمس لطشتني
وقعدت مكاني ...
وغمضت عنيا وروحت في النوم..
وبعدما فات وقت
معرفش اد ايه
صحيت من لسعة البرد
ولقيت الدنيا بقت ليل...
والظلام