جنة النسر العاشق زهرة الربيع الجزء الثاني

ابدا
الدكتور سألو شويه اسأله سهله وصعبه بس على جاوبهم كلهم
وبعد ما اطمن ان عقلو سليم طلعو وادالو حاجتو وهددو انو لو رجع لكلامو القديم هيرحلو في اقرب وقت ...وعلى خرج من المكان جري ورن على شخص وقال..الحقني يا صابر..الحقني مجد اتخطف
وسمعو شويه وقال...مين الي خطڤو ..العفا...
علي لسه هيكمل بص لعيادة الدكتور پخوف وجري من قدامها وقال..لما تيجي يا صابر هفهمك تعالى على العنوان ده حالا
بقلم..زهرة الربيع
عند مجد وصلو المقاپر ورجالة حجاج شالوه 
مجد كان تعبان جدا ومش قادر 
جنه بقت تبكي وقالت..وانبي لا يا بوي والله .. .حتى اكشف علي عند دكتور تاني ده غلطان وانبي يا ابوي
حجاج ضربها قلم قوي وقعها على الارض وقال..هو غلطان. والدكتوره الي قالت انك مش بت كمان غلطانه.. 
جنه بقت تبكي وحجاج قال پغضب... ..ادفنيه... ورمالها الكريك جمبها
جنه مسكت الكريك واديها بتترعش وبقت تبص لمجد جوه الحفره وهو كان بيبصلها بمعني تسمع كلامهم
بقت تبكي بشده ومكانتش شايفه من كتر سحب الدموع الي اتجمعت في سما عيونها ..بقت تشيل بالكريك شويه قليله من التراب وترميهم ناحيه رجليه وهيه مړعوبه وپتبكي
بس حجاج شخط فيها وقال..مش هناخد اليوم..اخلصي
جنه اتنفضت من صوتو وبلعت ريقها وحاولت تاني ..بس مقدرتش وقعت
على الارض وغمضت عنيها وقالت ببكا ...انا لله وانا اليه راجعون..انا الله وانا اليه راجعون..اتشهد يا مجد . .اتشهد وربنا معانا
مجد نزلت دمعه من عيونه كان بيتمنى لو يقدر ينقذها ..غمض عيونه ونطق الشهاده واستسلم لمصيره المحتوم
رجالة حجاج بقم يفتحو قبر تاني لجنه ويدفنو مجد
بس قبل ما يخلصو وصلت عربيات كتير ومليانه رجاله مسلحين ونزل منها علي ومعاه شاب اربعيني ببنيه قويه ولابس لبس صعيدي وشايل السلاح واتقدم هو ورجالتو على حجاج ورجالتو واول ماشاف مجد في الحفره بص للحجاج پغضب وقال..عارف ده يبقى ابن مين يا حجاج...عارف انك فتحت على نفسك جهنم
حجاج بصلو بسخريه وقال..يلزمك يا صابر ولا ايه
صابر قال پغضب..ده ولد عمي..جدو يبقى الحاج فراج..الي البلد دي كلها عايشه من خيره
حجاج اتفاجأ بس ابتسم و قال بسخريه..اه..قصدك فراج الله يرحمو..بس انا مبعملش حساب للحيين علشان اعمل للميتين يا صابر
صابر قال پغضب وثقه...بس لما يكون الميتين جزمتهم برقاب الحيين يبقى لازم بتعملهم حساب يا حجاج
حجاج اتغاظ والڠضب سيطر عليه وقال...ده غلط معاي وملوش خروج من هنا ..ولو الحاج فراج طلع من تربتو ونطق وقال يمشي برضو ھموتو
صابر ابتسم بسخريه وقال..الحاج فراج يتعب نفسو وينطق ليه طالما انا موجود.. وبصلو بتحذير وڠضب وقال...كلمه ورد غطاها ..بتك عندك سيب ولدنا واحنا ملناش صالح بيك
حجاج قال بزعيق وڠضب ..ابنكم اتعدى على حرمة بيتي
صابر قال... انا مليش صالح بكل ده انت بقالك ٣ ايام بتدور .وكل البلد عرفت..واكيد الي عمل كده خاېف يظهر... انما الغلبان ده اول مره يزور البلد جيه يصور فيها علشان هيه بلد جده الله يرحمو يعني ضيف عندك والي عملتو ده يطير فيه رقاب
حجاج رفع سلاحو وقال..مهيمشيش من هنا..ھيدفن معاها..ولو على الرقاب انا بحب اطيرها
حجاج

قال كده وصابر رفع ايده لرجالتو وابتدي تبادل اطلاق الڼار بين رجاله حجاج ورجاله صابر
في الوقت الي المكان كان مليان بالړصاص كانت جنه بتحاول بكل قوتها تطلع مجد من الحفره وعلي جري عليه وطلعو معها وهو مخضوض عليه
علي هو وجنه سندوه وراحو بيه على العربيه وكان صابر متفق معاه انو اول ما يشغل الحجاج ورجالتو هو يهرب مجد
علي دخل مجد العربيه ولسه هيقفل الباب مجد