غفران العاصي الحلقة 27

كلف نفسه عناء النظر اليها بل كان نظره منصبا فوق غفرانه المصدومه!!!
انتبهت غفران من ذهولها علي ضربه الۏحشي لآسر تبعها صرخه نسرين ويبدو ان ما سمعته حقيقه وانه لا ېكذب لكن كيف وهو طلقها امام الجميع كيف تكون زوجته الي الان 
تقدم آسر من عاصي يهدر فيه بغل وعدم تصديق انت كداب غرورك وانانيتك هما اللي مش مخالينك تعترف بالحقيقه ورافض تصدقها فوق يا عاصي من اللي انت فيه واعترف انك بتكدب علشان تبعدني عنها ....
وقف عاصي امامه بزهو واضعا يديه في جيب بنطاله وهم ان يتحدث قبل ان يفاجيء بغفران تقف بينهم وهي تنظر له بتحدي هاتفه پغضب انت ايه اللي انت بتقوله ده انا مراتك ازاي انت نسيت انك طلقتني ورميت عليا اليمين قدامهم كلهم ابقي مراتك ازاي بقي ولا انت بتعمل كده علشان افضل دايره في محرابك وماتكونش ليا حياه من بعدك ...
لكن لا فوق من وهمك وغرورك يا عاصي انا هعيش حياتي براحتي واتجوز الانسان اللي اختارته بارادتي الانسان الوحيد اللي صدقني ووثق فيا ووقف جنبي من غير ما ينتظر مني المقابل ...
صمتت تلهث بصوت عالي وصدرها يعلو ويهبط پجنون دون ان تحيد بنظراتها عنه ....
كانت نظرات عاصي لها في تلك اللحظه تحكي الف حكايه وحكايه عن الحزن والأسف والخزلان !!
وهو يقف امامها بقوه وشموخ يداري خلفهم انهياره وچرح قلبه النازف من كلماتها التي القتها في وجهه وهي ټطعنه بكل قوتها بالرغم من صدق حديثها وجرحه لها الا انها جرحته حتي ادمت قلبه...
هتف بنبره بارده ساخره انا مش فاهم انتوا ليه مش عاوزين تصدقوا انا بقول الحقيقه وانتوا اللي بتنكروها ش انا ...!!
هسألك سؤال يؤكد لك حقيقه كلامي ...تقدري تقوليلي فين قسيمه طلاقك 
ولا انتي ناويه تتجوزي من غيرها !!!!
انعقد لسانها ولم تستطع الرد فهي قد تناست امرها بل لم تخطر علي بالها من الاساس..!!!
اجابه آسر بدلا عنها رافضا تصديقه سهله اوي ممكن نطلعها بمنتهي السهوله ..
هتف بسخريه مش بقولك غبي!!!
صدح صوت الجد يساله بجديه ممكن تفهمنا انت رجعتها تاني لعصمتك امتي وازاي وليه مقولتش
اخذ عاصي نفس عميق قبل ان يجيبه وهو ينظر داخل عينها بنظره تحمل الكثير من الاعتذار والندم انا بعد ما طلقتك وعرفت الحقيقه من مرات عاصم ابوهيبه واللي اكد عليه كلام آدم واتاكدت منه بنفسي ...
شرد بنظراته للبعيد وذكري ما حدث تتعاد امام ناظريه كشريط سنيمائي يزيد من عڈابه ويعاظم رغبته في الثآر منهم بأبشع الطرق ...
تابع مضيفا ده غير البنت اللي مازن زقها عليكي واللي كلمتك في التليفون علشان تروحي الشقه اللي لقيتك فيها 
قدرت اوصل لها وجبتها واعترفت لي بكل حاجه وان مازن هو السبب في كل حاجه وعمل كده علشان يفرق بينا وساعتها يقدر يوصل لك من تاني ...
ساعتها رجعت جري علي القصر ادور عليكي علشان اعتذر منك واقولك اننا اتخدعنا وكنا ضحيه لشويه ناس مليانه غل وكره هدفها تفرقنا عن بعض ....
ابتلع غصه تسد حلقه وتابع يضيف بمراره ساعتها ملقتكيش في القصر وعرفت انك مشيتي وسبتيني..
قلبت الدنيا عليكي دورت عليكي في كل مكان وانت فص ملح وداب ...
ساعتها فكره واحده بس هي اللي سيطرت علي تفكيري اني ارجعك تاني لعصمتي علشان لما الاقيكي اثبت لك اني كنت غلطان وندمان والدليل علي ده اني رديتك بعد طلاقك ب ساعه ...
فنزلت علي القاهره وروحت لدار الافتاء وحكيت لهم اللي حصل