زوجى

هدخل اقعد معاكم..
وكان كمال طول القعده عينيه ما نزلتش من علي هيام هي حلوه اووي وصغيره وده خلي اخته تبصلها بغيظ..
وقبل الفرح بكام يوم باب بيت الست صفاء خبط وطلعت هيام تفتح الباب لقيت واحد وماسك حاجات كتيره اووي
هيام
نعم حضرتك عايز مين..
الراجل
مش ده بيت الست صفااء حمات البشمهندس كمال..
هيام
ايوه انت مين وايه الحاجات دي كلها
الراجل 
البشمهندس باعتهم ليكم والف مبروك يا هانم
دخلت هيام وخلته دخل الحاجه وطلعت مامتها وقالت..
صفاء
مين اللي كان بيخبط يا هيام..
هيام
ده واحد باعته كمال جايب حلويات من الغاليه وكمان هدوم ليا وليكي ولاخواتي وفاكهه اي كل ده
صفاء
خير ربنا يا بنتي والله الواد ده جدع وابن اصول شوفتي من لما دخل بيتنا وحياتنا اتغيرت ازاي..
هيام
هي فعلا شكلها اتغيرت ده الراجل اللي جاب الحاجه بيقولي يا هانم من كام يوم ما كنتش لاقيه لقمه اكلها تسد جوعي والنهارده بقيت هانم تفتكري الدنيا لسه مخبيالي ايه تاني يا ماما..
صفاء
كل خير ربنا كبير وبيعوض امشي انتي بس ورايا وانتي مش هتخسري...
في الوقت ده الباب خبط تاني بس اللي فتحت صفاء وكان هشام ابن اختها اللي بيحب هيام هو اللي بيخبط...
صفاء
اهلا وسهلا يا هشام خير في حاجه..
دخل هشام وقال
ازاي تعملو كده فيا انا مش خاطب منك هيام وقرية فاتحتها..
صفاء
وانا بقالي تلات سنين مستنيه حتي تجيبلها دبله
وانت ولا هنا ومش لاقي تاكل حتي ايه اديهالك تجوعها فوق الجوع اللي هي فيه...
هشام
شايفه كلام امك يا هيام قوليلها انك مش هتستنيني وهتتجوزيني انا..
هيام بدموع
مش هينفع يا هشام اخواتي وامي محتاجين مني اني اتجوز الجوازه دي هستناك ازاي واحنا بيتنا بيقعد من نص الشهر لاخره ما فهوش رغيف عيش امشي يا هشام وربنا يوفقك في حياتك وتلاقي بنت الحلال اللي تستاهلك
مشي هشام ودموعه علي وشه هو خسر خطيبته وحبيبته بسبب الفقر وقلة الفلوس وهي بتتجوز واحد مش بتحبه عشان تضمن ان اخواتها وامها هيعيشو كويس
وجه يوم الفرح ما كانش فرح كبير ده كان بسيط جدا وهيام لبست فستان عادي اووي وسلمت علي اهلها وراحت بيتها مع هشام وكان طول الطريق وهي في العربيه وبتقرب من بيت جوزها قلبها يتقبض اكتر
واول ما دخلت البيت وطلعت شقتها لقيت اخته قاعده وبهدوم البيت ومعاها بنتها وكمال قال
كمال
تعالي يا عروسه سلمي علي نهي ضرتك
هياام اټصدمت وقالت
اييييييه انت بتقول ايييه...
نهي
اخص عليك يا كمال ايه ضرتها دي ده احنا هنبقي ولا الاخوات مع بعض ان شاء الله..
هيام
انتي بتقولي ايه انتي وهو انت ازاي تضحك عليا وما تقوليش انك متجوز..
كمال
ما انا لو كنت قولتلك ما كنتيش هتوافقي تتجوزيني...
هيام
انتو اييه حرام عليكم ليه ضحكتو عليا انت فاكر اني هكمل معاك لاا انا ما يضحكش عليا انتو فاهمين
طلعت نعيمه ودخلت الشقه بالمفتاح اللي معاها وقالت...
نعيمه
في ايه يا كمال يا حبيبي البت دي صوتها عالي ليه..
كمال
زعلانه عشان طلعت متجوز ونهي مش اختي وكمان عندي بنت منها..
نعيمه 
وهي ليها عين تتكلم كمان مش كفايه جايه من غير جهاز. ولا عفش وكمان دافعين عليها وعلي اهلها شئ وشويات
هيام 
انا مش عايزه منكم حاجه وبكره الصبح همشي وارجع بيت اهلي وانت هتطلقني...
كمال
طيب اهدي واعقلي وبطلي شغل العيال دي وتعالي ننام يلا الوقت اتاخر...
هيام
لا طبعا مستحيل يتقفل عليا وعليك باب واحد والله اعلم مخبي عليا ايه تاني..
مسكتها نعيمه من دراعها وقالت
ده انتي بقي قليلة ربايه صح وعايزه تتربي لا فوقي يا حلوه ده انا جيباكي هنا بس عشان ابني يخلفله عيلين تاني يسند
بيهم طوله في الدنيا يعني انا لو هنقي عروسه لابني بحق وحقيقي هجيبك انتي يا رباية الجوع....
زقتها هيام وقالت
ابعدي عنييي انتي فاهمه ولا لا انا ما حدش هيجبرني علي حاجه انتو فاهمين..
نعيمه 
واد يا كمال اتصرف معاها دي بتمد ايدها عليا وبتزقني...
كمال
ده انتي يومك مش فايت النهارده