زوجى
يقول للخير بس انا عرفت ان هيام ما تعرفش كمال اصلا واحنا مش هنقولها حاجه دلوقتي..
صفاء
انتي عايزاني اضحك علي بنتي واخليها تتجوز وهي ما تعرفش ان ا..
نعيمه
خلاص يا حبيبتي بشوقك انا بس اللي قولت انتو ناس غلابه وتستاهلو الخير اللي كنت ناويه اديه لاهل العروسه اللي هاخدها لابني كمال..
صفاء
طيب استني انتي زعلتي مني ولا ايه ااا انا موافقه بس نقولها الاول طيب..
لا طبعا البنات اليومين دول دماغهم ناشفه انتي بس اعملي اللي بقولك عليه وانا هعملك شهريه ليكي انتي وعيالك غير ان مصاريف مدارسهم عليا..
صفاء
اعتبريها موافقه..
نعيمه
يبقي خير البر عاجله احنا نيجي بكره العريس والعروسه يشوفو بعض والاسبوع اللي بعد منه نكتب الكتاب ونفرح كلنا..
صفاء
اللي تشوفيه يا حبيبتي انا موافقه بيه والله..
صفاء
الحجه نعيمه طلبتك لابنها الكبير كمال.. وانا وافقت يا هيام
هيام
ازاي يا ماما توافقي وانتي عارفه اني مقريه فاتحتي علي هشام ابن خالتي..
صفاء
وفينه هشام ده اللي بقاله يجي تلات شهور مش بيدخل بيتنا لا وكمان مش لاقي ياكل هيتجوزك ازاي..
هيام
بس اما بحب هشام يا ماما وهستناه يشتغل ويكون نفسه..
بقولك ايه انا اديت كلمه للست وهي جايه مع ابنها بكره عشان يشفوكي وهكلم خالتك دلوقتي نقولها خلاص كل حاجه قسمه ونصيب..
هيام
بس انا مش موافقه يا ماما انتي هتجبريني اتجوز واحد مش عايزاه وما اعرفوش اصلا..
صفاء
بصي علي اخواتك اللي بياكلو مره واحده في اليوم الجوازه دي هتريحنا كلنااا..
هيام
وراحتك انتي كمان يا حبيبتي دول ناس مرتاحين اوووي والله المفروض تفرحي ده ربنا فتحلك باب للخير والرزق..
حااضر يا ماما اللي تشوفيه انا هعمله هروح انام بعد اذنك..
وتاني يوم جه كمال ومامته ومعاهم اخته وبنت اخته اللي كانت كل شويه تقول لكمال يا بابا..
نعيمه
معلش يا جماعه بس حلا بتحب خالها اووي وبتحب تقوله يا بابا..
صفاء
عادي يا حجه نعيمه ربنا يخليه ليها ويديم. المحبه بينهم..
نعيمه
ما تقومي يا هيام تقعدي انتي وعريسك في البلكونه شويه..
بصت اخت العريس لهيام بعصبيه وقام كمال وقال
ياريت والله انا اصلا مش بحب اقعد في اماكن مقفوله..
صفاء
خلاص اقعدو في البلكونه شويه يلا يا هيام مع عريسك..
دخلت هيام وكمال البلكونه وكانت هيام قاعده زعلانه وباصه علي الشارع.. واتكلم كمال وقال..
كمال
انا شغال مهندس بترول وعندي اربعين سنه..
ايه بتقول كام سنه اربعين..
كمال
انا عارف انك صغيره عليا شويه بس فرق السن مش مشكله المهم تكوني عاقله وتسمعي الكلام..
هيام بعصبيه
ازاااي يعني فرق السن مش مشكله بينا ده انا عندي تلاته وعشرين سنه وحضرتك اربعين يعني الفرق بينا 17 سنه يا بشمهندس كمال..
كمال
وانا قولتلك ان فرق السن مش مشكله لو هتسمعي كلامي وتقولي حاضر ونعم وعلي فكره انا ديما كلامي بيكون صح..
اتنهدت هيام وقالت
حاضر ان شاء الله خير..
كمال
هما قالولك ان كتب الكتاب والفرح الاسبوع الجاي..
هيام بحزن
ايوه قالولي يا وان شاء الله خير..
كمال
انو مش عايز اعمل فرح بس هجيبلك الشبكه اللي انتي عايزاها وكمان هجيبلك كل الجهاز وهفرش الشقه بتاعتي من جديد..
هيام
هو انت ليه ما اتجوزتش لحد دلوقتي اصلا مع انك اهو مقتدر وبتشغل شغلانه حلوه ومحترمه..
رد عليها كمال وقال
ااا يعني ما لقيتش اللي تنسابني او كنت باصص لحاجات تانيه غير الجواز...
هيام
زي ايه مثلا الحاجات التانيه دي..
كمال
احمم اا اكون نفسي اعمل شقه حلوه ابقي مأمن مستقبلي...
هيام
امم ربنا يوفقك انا هدخل بقي اقعد معاهم..
كمال
تمام وانا كمان
