الساعي وصاحب الفيلا
وهو صاحب الفيلا اللي كان بيحاول يشطبها في الوقت ده مش عايزك تتفاجيء اني عارف انك شوفته لاني كنت بشوفه في كل مرة بروح الفيلا فيها ومش هو ومراته اللي غرام مقدرتش تتعرف على امها وكانت هي الست اللي خاڤت منها غرام وبس لا وشوفت اللي بيمشوا على البحر اللي تقريبا دول جن مائي والله اعلم عارف يا عزيز غرام في اليوم ده بالليل صحيت على صوت صرخاتها اللي كان جاي من بعيد و هي مكنتش موجودة في الفيلا فضلت ادور عليها وقلبت عليها المكان كله ملقتهاش لحد ما تتبعت أثار أقدامها و لقيتها في عرض البحر مېتة ڠرقانه غرام بنتي وصحبتي وكل حاجة ليا ماټت وسابتني ماټت بسبب اني مكنتش جنبها في الوقت اللي كانت خاېفه فيه أخر مكان كنت سايبها فيه جنينة الفيلا والأكيد شافت اللي كانت خاېفة منه وجريت منها على البحر واكيد معرفتش تعوم وماټت علطول اللي عملته يا عزيز اني دفنتها في جنينة الفيلا وفضلت قاعد جنبها شهرين ورا بعض كنت .. كنت مستنيها تقوم علشان نمشي سوا زي ما جينا سوا أيام كتير كنت بنادي عليها وهي تحت التراب وكنت بفكر كتير أفحت واطلعها كل ما كنت افكر في كدا الاقي رؤوف ابوها يمنعني سامحني يا عزيز غرام كانت وحشاني ومكنتش قادر اروحلها علشان كدا وديتك هناك لاني عارف انها هتجيلك وتسأل عليا انا عارف انها زعلانه مني ومش هتسامحني غير لما اروحلها وانت بتقرأ الجواب ده هكون وصلت لغرام .
في الحقيقة مقدرتش أداري دموعي قدام بابا لما خلصت الجواب اديتهوله وانا بعيط اكتشفت ان هو كمان بيمسح دموعه طبطبت عليه وحسيت اني قلبت عليه المواجع خد الجواب وضمھ وهو بيقول
_ من ساعتها يا ياسمين عبدالباقي باشا مظهرش الناس كلها إستغربوا بس انا الوحيد اللي كنت عارف وفي التحقيقات السكرتير قال انه سابلي تليغراف علشان كدا حكيتلهم على اللي حصلي وانا هناك وعلى قصة غرام ولما راحوا ملقوش اي حد لا غرام ولا رؤوف ولا عبدالباقي اعتبروني مچنون وبخرف بس لما جالي عبدالباقي في المنام وهو بيضحك وجمب منه غرام انا اطمنت وقلبي استريح قلبي استريح يا ياسمين رغم اني عرفت انه ماټ علشان يروح لغرام الضحكة اللي كانت على وشه مشوفتهاش من سنين دعيتله كتير واتصدقت على روحه كتير لعل ربنا يسامحه ويغفر له .
_ بس تعالى هنا في جزء من حكايتك ناقص لما كنت واقف وشايف غرام باصة على البحر على الكلبين.
ضحك وضړبني ضړبة خفيفة على دماغي وقالي
_ انا محكتلكيش عن عمد لان
