دواء يطيل العمر
انت في الصفحة 2 من صفحتين
لم أجد منها غير الحب والرحمة والحنان والاحترام والتقدير ! هل تعلم يا حكيم أنه لم تكن في بستاني غير بطيخة واحدة وأنها نزلت إلى الوادي ثلاث مرات وكانت في كل مرة تأتي لنا بتلك البطيخة نفسها ولكنها لم تمتعض أو تبدي أي علامة تنقص من شأني أمامك
تعجب الحكيم من هذه المرأة وأيقن أن السعادة وراحة البال والصحة والشباب تصنعها الزوجة بمحبتها وعطفها واهتمامها وليست الادويه
اذا اتممت القراءه علق بالصلاة على النبي..........الأم دلوقتى شيلتها أصعب بكتير من الأم زمان ..
ده مش رأيى أنا .. ده واقع إحنا عايشينه ..
و إيه الزيادة يعنى فى اللى بتعمليه ما كل أمهاتنا زمان كانوا بيعملوا كده
لاء لحظة معلش !!
حضرتك واخد بالك إن الأم دلوقتى مطالبه ..
إنها تحاوط على ولادها من فتن و بلاوى بتلاحقهم من كل حته بيتواجدوا فيها من المدرسة و من النادى و من اليوتيوب و السوشيال ميديا و غيره
إنها تقنعهم إن القيم و الأخلاق و الأصول مش دقة قديمة و مش أوبشن إننا نتخلى عنها ..
إنها تربيهم على القناعة و الرضا فى زمن كل البيوت بقت حرفيا مفتوحة على بعض .. و كل واحد عارف مين بيجيب ايه و مين سافر فين و مين بيلبس من فين ..
إنها تفضل مصاحبة بنتها و عينيها على إبنها .. و هى طول اليوم واقفة لوحدها بطولها لان الاب دايخ طول اليوم بره فى أكل عيشه عشان يوفرلهم مصاريفهم ..
إنها تقنعهم إن الإنحدار الأخلاقى و الدينى و الإجتماعى اللى بيشوفوه كل يوم ده مش العادى و لا هو عشان منتشر يبقى نستسهل و نعمل زيهم و نقلد و خلاص ..
زمان الأب و الأم الإثنين بيربوا سوا دلوقتى معظم البيوت الام فيها هى اللى بتربى لوحدها ..
زمان كانت الأم العادى انها قاعدة فالبيت و بتربى و بس و لو إشتغلت بترجع الساعة 2 الضهر ..
زمان كان السائد هو الصح ..
دلوقتى السائد هو الغلط ..
و بقت الأم مطالب منها تصلح مفاهيم غلط بيرجع بيها ولادها من العيلة و النادى و من المدرسة و من السوشيال ميديا ..
زمان قيمة الأم دى كانت حاجة كبيرة قوى عند ولادها ..
دلوقتى للأسف بنعانى من جيل مش مدرك معنى بر الوالدين ..
و مش بيفتكر أمه الا وهو جعان
كلمة للمجتمع كله
اللى قاعد بس للتنظير
إرحموا الأمهات شوية
و كلمة للأب ..
حاول تظهر فى تفاصيل ولادك و لو بمكالمة لكل إبن فيهم و انت فى شغلك ..
حاول تتجاوز عن أى أخطاء لمراتك مع الولاد .. لانها معذورة هى مش إنسان آلى و نازل متبرمج و معاه السيستم بتاعه ..
ولو مش مقتنع بالكلام ده ..
أنصحك تجرب تقعد لوحدك مع ولادك 24 ساعة بس لوحدك من غير الأم
و تعيشها معاهم بكل تفاصيلها ..
يمكن وقتها تدرك الوضع اللى بقى فى بيتك و ساعتها هتستوعب إن مشوار التربية مش بالسهولة اللى إنت متخيلها
و لا هى تكة زرار بندوس عليه فالعيال هتتربى ..
هونوا الحياة على بعض
اللهم إني أسألك خيرها وخير ما جبلتها عليه وأعوذ بك من شرها وشړ ما جبلتها عليه
اللهم أعن كل رب أسرة على حاله.. الشيلة صعبة وثقيلة فإستعينوا بالصبر والصلاة والدعاء.
